نیب انا ایگزیکٹو بورڈ انا دیوان، وڈی خوری نا جتا ریفرنس، انویسٹی گیشن و انکوائری تا منظوری

اسلام آباد۔ 31جولائی (اے پی پی) قومی احتساب بیورو (نیب) انا چیئرمین جسٹس (ر) جاوید اقبال پارینے کہ کانود و شاہدی تا بنداو آ وائٹ کالر مقدمہ غاتے ایسر اسکان سرکننگ نیب انا اولیت ءِ۔ داخیال آتا درشانی ءِ او چارشنبے نادے آ نیب انا ایگزیکٹو بورڈ انا دیوان آن تران کرسا کرے۔ دیوان اٹی وڈی خوری نا جتا ریفرنس، انویسٹی گیشن و انکوائری تا منظوری ءِ تننگا۔ دیوان اٹی ڈپٹی چیئرمین نیب، پراسیکیوٹر جنرل اکاؤنٹیبلٹی، ڈی جی آپریشنز، ڈی جی راولپنڈی تون اوار بڑزکو آفیسر آک ساڑی ئسر۔ دیوان اٹی چیئرمین نیب پارے کہ نیب غیر کانودی ہاؤسنگ سوسائٹی تیان ارب آ روپئی نا پیسہ دوئی کرسا زہمی تے پدی تسنے۔ نیب مضاربہ و مشارکہ اسکینڈل آتا چل ءُ سہ دوبہ دارآتے دزگیر کرسا عدالت آتے ٹی سرکرے۔ اوپارے کہ نیب مضاربہ و مشارکہ اسکینڈل آتا زہمی تے اوفتا پیسہ غاتے پدی تننگ کن سنجیدہ گام گیج چست کننگ ءِ۔