تربیتی جہاز نا تمنگ نا شکست اٹی 12شاری تپاخت کریر و 12بندغ ٹھپی، جہاز ہردے نا تربیتی پرواز آ ئس، شکست نا سوب آتا تعین ءِ کننگ انگ ءِ، آئی ایس پی آر

راولپنڈی۔ 30 جولائی (اے پی پی) پاک فوج انا شعبہ تعلقات عامہ (آئی ایس پی آر) نا رداٹ تربیتی جہاز انا تمنگ نا شکست اٹی 12شاری تپاخت کریر و 12بندغ ٹھپی ہم مسر، جہاز ہردے نا تربیتی پرواز آ ئس، شکست نا سوب آتا تعین ءِ کننگ انگ ءِ۔ آئی ایس پی آر آن جاری بیان نا رداٹ شکست سے شنبے نا سہب اتون راولپنڈی نا علاقہ ٹی پیش بس۔ پاکستان آرمی نا ریسکیو ٹیم و 1122موقع غا سرمسر، ریسکیو ٹیمک خاخر ءِ کسفیر و ٹھپی تے ہسپتال آ مون تننگا۔ شہید آتے ٹی لیفٹیننٹ کرنل پائلٹ ثاقب و لیفٹیننٹ کرنل پائلٹ وسیم اوارو۔ دافتیان بیدس نائب صوبیدار افضل، حوالدار امین وحوالدار رحمت ئسک ہم شہید آتے ٹی اوارو۔ ڈسٹرکٹ ایمر جنسی آفیسر راولپنڈی عبدالرحمان پارے کہ غٹ بندغ آتے طبی امداد کن ہسپتال آ مون تننگانے وخت اس کہ شکست آن پد راولپنڈی نا ہر مسٹ آ بھلا ہسپتال آتے ٹی ایمر جنسی نافذ کننگانے۔