اسلام آباد۔ 30 جولائی (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری راولپنڈی ٹی آرمی ایوی ایشن نا جہاز ءِ بیش بروک آ شکست آ ڈکھ و است ہسونی نا درشانی ءِ کریر۔ سے شنبے نادے آ تینا ہڑزخواہی بیان اٹی اسپیکر و ڈپٹی اسپیکر شکست اٹی نہادی جان تا زیان آ ڈکھ وغم نا درشانی ءِ کریر۔ اوفک زہمی خاہوت آتون دلی ہمدردی نا درشانی و ٹھپی تا زوت جان جوڑی کن دعا کریر۔ اوفک پاریر کہ آرمی ایوی ایشن نا جہاز ءِ پیش بروک آ شکست اٹی نہادی جانی نسخان تیا است رنجیدہ ءِ۔ مشکل و غم انا داساہت نن غمزدہ خاہوت تون بریبر نا شریک اُن۔ اسپیکر و ڈپٹی اسپیکر قومی اسمبلی صوبائی محکمہ جا ن جوڑی و تعلقدار ادارہ غاتے ٹھپی مروک آتے ہروڑنا دمدستی طبی آسراتی فراوان کننگ نا پارت کریر۔ اسپیکر و ڈپٹی اسپیکر شکست اٹی شہید مروک آ بندغ آتا درجہ غاتا بڑزی و پدسلوک آ خاہوت آتے کن دا ناقابل تلافی نسخان ءِ برداشت کننگ کن صبر و جمیل نا دعاہم کریر۔
