اسلام آباد۔ 30 جولائی (اے پی پی) چیئرمین سینیٹ محمد صادق سنجرانی پاک فوج انا تربیتی جہاز انا شکست اٹی نہادی جان تا زیان آ ڈکھ و است ہسونی نا درشانی ءِ کرینے و جہاز انا شکست اٹی شہید خاہوت آتون ہڑزخواہی و دلی ہمدردی نا درشانی ءِ کرے۔ چیئرمین سینیٹ دا شکست اٹی ٹھپی مروک آتے گچین طبی آسراتی تا فراوانی آ زور شاغسا اوفتا زوت جان جوڑی کن دعا کرے۔ ڈپٹی چیئرمین سینیٹ سینیٹر سلیم مانڈوی والا، قائد ایوان سینیٹ سینیٹر سید شبلی فراز و قائد حزب اختلاف راجہ محمد ظفرالحق ئسک ہم تربیتی نا شکست اٹی مروک آ جانی نسخان آ است ہسونی نا درشانی ءِ کرسا پدسلوک آ خاہوت آتون ہڑزخواہی و ٹھپی تا زوت جان جوڑی کن اللہ تعالیٰ آن دعا کریر۔
