راجی اسمبلی ءِ دیوانءَ اسپیکر ء ُ ڈپٹی اسپیکرءِ ساڑی نہ بوہگءَ ایوان ءِ کاروائیءَ را دیما برگءِ ھاترءَ پینل آف چیئرپرسن ءِ نامانی جار جنگ بوتگ

اسلام آباد ۔ 29جولائی (اے پی پی) راجی اسمبلی ءَ دوشمبے ءِ روچءَ بندات بوتگیں دیوانءَ اسپیکرء ُ ڈپٹی اسپیکر ءِ ساڑی نہ بوہگءَ دیوانءِ کاروائی ءَ را دیما برگءِ ھاترءَ پینل آف چیئرپرسن ءِ نامانی جارجنگ بوتگ ۔ ڈپٹی اسپیکر قاسم سو ری ءَ دوشمبے ءِ روچءَ راجی اسمبلی ءِ دیوانءِ بنداتءَ پینل آف چیئرپرسن ءِ نامانی جار جتگ کہ ایشی تہءَ سید فخر امام، امجد علی خان، چوہدری محمود بشیر ورک، حسین الٰہی، سید مصطفیٰ شاہ ء ُ ڈاکٹر حیدر علی ہوار اَنت اسپیکر ء ُ ڈپٹی اسپیکر ءِ ساڑی نہ بوہگءَ دیوانءِ سروکی ءَ کن اَنت ۔