اسلام آباد۔ 29 جولائی (اے پی پی) سپیکر قومی اسمبلی اسد قیصر ءِ گوما ڈپٹی سپیکر کیمرون ءُُ کامن ویلتھ پارلیمانی ایسوسی ایشن (سی پی اے)ءِ ایگزیٹو کمیٹی ءِ چیئر پرسن ایمیلیا مونجوا لیفکا ءَ دوشمبے ءَ پارلیمنٹ ہاؤس ءِ تہ گند ءُُ نند کتگ۔ کامن ویلتھ ءِ پارلیمانی ایسوسی ایشن برائے ایشین ریجن ءِ پنچمی کانفرنس ءِ ایجنڈہ ءِ ھوار وت مہ وتی اندوہناکی ءِ معاملہانی سرا ھیال ریچی کتگ۔اے موہ ءَ سپیکر قومی اسمبلی اسد قیصر ءَ گوشت کہ چیئرپرسن سی پی اے ءِ کانفرنس ءِ تہ بھرزوری مئے ھاترا وشی ءِ گپ انت۔کامن ویلتھ ایشن ریجن ءِ پنچمی کانفرنس اسلام آباد ءِ تہ برجمینگ پاکستان ءِ ھاترا شرپے گپ انت۔آہاں گوشت کہ خطہ ءِ ملکانی پارلیمنٹس ءَ را نزیک آرگ ءُُ خطہ ءَ را دیم جیڈھانی حل ءِ ھاترا یکجاھیں لاحہ عمل طے کنگ ءِ تہ یک سنگ میل پدر بیت۔آہاں گوشت کہ کامن ویلتھ ءِ باسک ملکانی تہ جمہوریت ءِ پراھی ءُُ گہترءِ حاکمی ءِ ودکی ءِ ھاترا کردستا ءِ لائق انت۔ اسد قیصرءَ گوشت کہ پاکستان کیمرون ءِ گوما وتی وشیں سیادی ءَ را باز ارزشت دیگ انت ءُُ پارلیمانی ءُُ اقتصادی رھوت ءِ پراھی ءِ واھگدارانت، پارلیمانی سفارتکاری دوئیں راجءَ را نزیک آرگ ءِ تہ ھاسیں کرد ادا کت کن ایت۔ ڈپٹی سپیکر کیمرون ایمیلیا مونجوا لیفکا ءَپاکستان آھگ ءِ سرا ایشی ءِ ڈلے پُرشانیں وش اتک کنگ ءَ سپیکر ءِ منت گپتگ ات۔آہاں گوشت کہ پاکستان کامن ویلتھ ءِ یک ایکٹو باسک انت ءُُ خطہ ءِ تہ ایمنی ءِ ھاترا ایشی ءِ جہد ستا ءِ لائق انت۔
