اسلام آباد۔ 29 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ عرفان صدیقی نظام نا ہمو ہیبداری تا گواچی مس ہرافتا درستگی کن وزیراعظم عمران خان پرعزم ءِ، و او دا عمل آ ناپسندیدگی نا درشانی ءِ کرسا نوٹس ہلکونے، ن لیگی راہشونک سیاسی آکسیجن دوئی کننگ کن صدیقی صاحب نا باندات ءِ چنڈیفنگ ءُ، داخیال آتا درشانی ءِ او دوشنبے نادے آ تینا ٹویٹ اٹی کرے۔ ڈاکٹر فردوس عاشق اعوان پارے کہ وزیراعظم عرفان صدیقی نا واقعہ نا رپورٹ ءِ بٹنگانے، راستکی تے مون آ تخسا فیصلہ مریک کہ کانود نا خلاف ورزی نا مرتکب دیر مس، ہرکس کہ کانود نا خلاف ورزی ءِ کرینے اودے اونا کروک نا سزا ضرور ملک۔
