صدر مملکت ڈاکٹر عارف علوی ءَ ”پاکستان ءِ تہ ہیپاٹائٹس ءَ را ھلاس کنگ ءِ تہ زرکاری“ءِ موضوع ءِ سرا کانفرنس ءَ گوں گشتانک

اسلام آباد۔ 28 جولائی (اے پی پی) صدر مملکت ڈاکٹر عارف علویءَ گوشت کہ پاکستان چاگردی ءُُ اقتصادی دیمروئی ءِ ھاسیں بھرءَ انت ءُُ ملک ءِ غریب آباتی ءَ را تعلیم،جانسلامتی ءُُ دگہ موہ بروبری بنیاتاں پھجارگ ءِ ھاترا ہمک شہری ءَ را وتی کرد ادا کنگ لوٹ ایت۔آہاں اے گپ ادا یک شمبے ءَ (پاکستان ءِ تہ ہیپاٹائٹس ءَ را ھلاس کنگ ءِ تہ سرمایہ کاری ”پاکستان ءِ تہ ہیپاٹائٹس ءَ راھلاس کنگ ءِ تہ زرکاری“ ءِ موضوع ءِ سرا برجمیں کانفرنس ءَ گوں گشتانک کنان ءَ کتگ ات۔اے کانفرنس ہیپاٹائٹس ءِ ہیپاٹائٹس ءِ گرودار ءِ میاں اوستمانی روچ ءِ درگت ءَ برجمینگ بوتگ۔اے موہ ءِ سرا مزن وزیر ءِ ھاسیں کمکار برائے جان سلامتی ڈاکٹر ظفر مرزا،جان سلامتی ءِ میان اوستمانی ادارگ ءِ دمگی ڈائریکٹر ڈاکٹر احمد سلیم المندہاری، یونیورسل ہیلتھ کوریج ءِ اسسٹنٹ ڈائریکٹر ڈاکٹر رین مینگوئی، صحت عامہ ءِ ھندی ءُُ میاں اوستمانی ادارگہاں گوں سیادی داروکیں زانتکارءَ بھرزوری کتگ۔اے موہ ءِ سرا 2030ء ءِ تاں وائرل ہیپاٹائٹس ءِ ھلاسی ءِ ھاترا مزن وزیر ءِ پالیسی پیکیج پروگرام ءِ بنداتی ھم کنگ بوتگ، اے مراگش ءِ ردا 140ملین شہریانی بلڈ سکریننگ کنگ بیت ءُُ وائرس ءِ موجودگی ءِ دروشم ءَ آہاں را مفت درمان ءِ آسراتی پھجارگ بیت۔ صدر مملکت ءَ گوشت کہ پاکستان ءِ تہ 15چہ گپت 20 شہریانی تہ ہیپاٹائٹس بی ءُُ سی ءِ وائرس ءِ ساڑی بوھگ ءِ ھطرہ انت۔میاں اوستمانی ادارگ ءِ دمگی ڈائریکٹر ڈاکٹر احمد سلیم سیف ءَ کانفرنس ءَ گوں تران کنان ءَ گوشت کہ پاکستانءِ سیاسی راھشون ءِ نیمگا چہ ہیپاٹائٹس ءِ لعنت ءِ ھلاسی ھاترا گامگیج ستا ءِ لائق انت۔آہاں گوشت کہ اے کوشستانی آسرءَ ملک ءِ تہ جان سلامتی ءِ بنیاتی نظام ءَ را سوگو کنگی انت۔دوروچیں کانفرنس ءِ موہ ءِ سرا صوبائی وزراء صحت، سیکرٹریز، ہیپاٹائٹس کنٹرول ءِ صوبائی منیجرز، نیشنل ٹیکنیکل ایڈوائزری گروپ ءِ باسکاں،آغا خان یونیورسٹی ءِ زانتکار،پٹ ءُُ پولکار،پالیسی ساچاں ءُُ سول سوسائیٹی ءِ جہد کاراں ہیپاٹائٹس ءَ چہ رکھگ ءُُ اے نادراہی ءِ سرجمیں ھلاسی ءِ مراگش ءِ تہ سرجمیں کمک پھجارگ ءِ جزم ءِ درشان کتگ۔