اسلام آباد۔ 28 جولائی (اے پی پی) مزن وزیر عمران خان ءِ ھاسین کمکار برائے ھالرسانی ءُُ شنگکاری ڈاکٹر فردوس عاشق اعوا ن ءَ گوشت کہ پاکستان ءُُ امریکا ءِ وت مہ وتی سیادی ءَ را مھکم کنگ ءِ تہ صدر ٹرمپ ءِ جنک ایوانکا ٹرمپ ءِ ھم شریں کرد ادا کنگ انت،ایوانکا ٹرمپ ءَ گوں مزن وزیر ءِ ھاسیں کمکار برائے اوورسیز پاکستانیز زلفی بخاری ءِ گند ءُُ نند ءِ تہ پاکستانی زالبول ءَ را وت واک کنگ ءِ ھاترا پیش کش کتگ،ہیومن ریسورس ڈویلپمنٹ،روزگار ءِ پراھی ءُُ مزن وزیر ءِ دل ءِ نزیک احساس پروگرام ءِ سپورٹ باز وش آئند انت۔اے ھیالانی درشان آہاں گوستگیں روچ ءَ یک ٹویٹ ءِ تہ کتگ ات۔ڈاکٹر فردوس عاشق اعوانءَ گوشت کہ ایوانکا ٹرمپ ءِ پاکستان ءِ تہ زالبولانی فلاح ءُُ بہبود ءِ منصوبگانی تہ دلچسپی ءِ درشان مزن وزیر ءِ زالبول ءَ را وت واک جوڈ کنگ ءِ سرجمی ءِ تہ کمکار پدر بیت۔
