مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءِ جندی ٹی وی چینل ءِ گوما گپ ءُُ تران

اسلام آباد۔ 27 جولائی (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ پاکستان تحریک انصاف ءِ حکومت ابید پرک ءِ ہمک شہری ءَ را انصاف ءَ پھجارایت پرچا کہ پی ٹی آئی کانود ءِ برز دستی ءِ سرا سدکی ایر کنگ انت۔ھپتگ ءَ یک جندی ٹی وی چینل ءِ گوما گپ ءُُ تران کنان ءَ آہاں گوشت کہ پیسریگیں مزن وزیر ءِ نزیکیں سلاحکار عرفان صدیقی ءِ دزگیری کرایہ داری کانود ءِ ردا عمل ءَ اتکگ ات۔آہاں گوشت کہ پاکستان تحریک انصاف ءِ حکومت ءِ اپوزیشن ءِ ھلاپ ءَ جاڑی کیسانی تہ ہچ بھر نیست انت، پاکستان ءِ آمیدگس سرجم آزات انت ءُ ایشانی پیسلہ ءِ درستانی شرپ کنگ لوٹ ایت۔اپوزیشن ءِ نیمگا چہ امتیازی سلوک ءِ بہتام رد کنان ءَ آہاں گوشت کہ کرایہ داری ایکٹ پاکستان مسلم لیگ (ن)ءَ جوڈ کتگءُُ اے دراھیں شہریانی سرا امپوز بوھگ انت۔فردوس عاشق اعوان ءَ سدکی داتگ کہ عرفان صدیقی ءُُ ایشی ءِ ھاندان ءِ گوما ہچ ناانصافی مہ بیت۔آہاں گوشت کہ پاکستان تحریک انصاف ءِ حکومت راجی ادارگ ءِ شرپ کنگ انت ءُُ ایشی ءِ ہچ چیریں پالیسی نیست انت۔آہاں گوشت کہ دراھیں ادارگءَ را وت واک جوڈ کنگ مئے مشن انت ایشی ءِ ھاترا لہتیں وھد درکار بیت۔