وزیراعلیٰ نا خاص کمکار میر رامین جان محمد حسنی نا’’اے پی پی‘‘ تون خصوصی ہیت وگپ

سی پیک ڈیہہ ٹی گیم چینجر ثابت مریک، خاص کر بلوچستان نا الس ءِ زیات آن زیات فائدہ رسینگک سی پیک آن الس ءِ روزگار نا وارخواہی دوبریک

کوءٹہ ۔ 26جولائی (اے پی پی) وزیراعلیٰ نا خاص کمکار میر رامین جان محمد حسنی پارینے کہ 25جولائی آ ہرا گچین کاریک مسوسر اللہ تعالیٰ نا شکر ءِ ادا کینہ ہراٹی اللہ تعالیٰ ننے سرسہب کرے 25جولائی آ اسہ جمہوری ءُ عمل اس ئس دادے آ بلوچستان نا خلقت زیات آن زیات بشخ ہلکر، سی پیک ڈیہہ ٹی گیم چینجر ثابت مریک خاص کر بلوچستان نا الس ءِ زیات آن زیات فائدہ رسینگک سی پیک آن الس ءِ روزگار نا وارخواہی دوبریک ۔ سی پیک آن کم و ود یک و نیم سد آن زیات ملک آک فائدہ دوئی کیرہ ۔ داخیال آتا درشانی ءِ او خصوصی وڑاٹ جمعہ نا دے آ ’’اے پی پی‘‘ تون گپ و تران کرسا پارے ۔ کمکار وزیراعلیٰ بلوچستان پارے کہ ای سمجھیوہ اخس کہ اپوزیشن جماعت آک اریر اوفک بایدے ہریر کہ تدوک آ پنچ سال اٹی اوفک انتس کریر، انت اوفک ادارہ غاتے سوگو کریر، یا کرپشن ءِ توریر ۔ بلوچستان نا الس داگڑاءِ جوان پہہ مریک ہرانا سوب آن اینو نن دا دور آن گدرینگ انگ اُن ۔ اوپارے کہ داہیت آک کس اسے آن اودیم افس ۔ دادے ءِ نن ہرسال یوم تشکر نا وڑاٹ اڈ ترساکینہ ۔ اوپارے کہ ہراتم اپوزیشن جماعت آک گچین کاری تے کٹرہ تو دادے ءِ یوم تشکر نا وڑاٹ اڈ ایترہ و ہراتم کٹفرہ تو یوم سیاہ اڈ ایترہ ۔ اپوزیشن جماعت آتے الس مسترد کرینے و اپوزیشن بروک آ چار سال اکن انتظار کے، اوفتے گچین کاری تیٹی ننا سرسہبی کیدنگ مفننگ ءِ ۔ وزیراعظم پاکستان عمران خان امریکہ نا سرسہب دورہ ءِ کرینے دورہ نا دورس و پائیدار بھرم اس دوئی مریک ۔ اوپارے کہ سی پیک ڈیہہ ٹی گیم چینجر ثابت مریک خاص کر بلوچستان نا الس ءِ زیات آن زیات فائدہ رسینگک سی پیک آن الس ءِ روزگار نا وارخواہی دوبریک ۔ اوپارے کہ سی پیک آن کم و ود یک و نیم سد آن زیات ملک آک فائدہ دوئی کیرہ ۔