وزیراعظم نا خصوصی کمکار تخفیف غربت و سوشل سیفٹی ڈویژن ثانیہ نشتر نا ’’اے پی پی‘‘ تون گپ وتران

اسلام آباد ۔ 26جولائی (اے پی پی) وزیراعظم نا خصوصی کمکار تخفیف غربت و سوشل سیفٹی ڈویژن ثانیہ نشتر پارینے کہ بے نظیر انکم سپورٹ پروگرام (بی آئی ایس پی) چوری و راج انا محروم تپہ غاتے اولیت بنداو تیا بنداوی آسراتی تا فراوانی آ چکار کیک ۔ جمعہ نادے آ قومی خبر رساں ادارہ ’’اے پی پی‘‘ تون گپ و تران کرسا اوپارے کہ احساس پروگرام نیزگاری، جنوزان، بے اُرا، معذور ، بے روزگار ، نیزگار خاہوت، مزور، ناجوڑ ، کم کٹیا کروک اُراتا طالب علم و عمر رسیدہ بندغ آتے کن ءِ ۔ اوپارے کہ دا ڈٹ انا مسخت نیزگار، چوری تا آخبت ءِ رکھ کننگ ناءِ ۔ اوپارے کہ پاکستان بیت المال نا کمک اٹ بروک آ چار سال اٹی 10 ہزار نیزگارچناتے تعلیم و جان جوڑی نا آسراتی فراوان کیک ۔ اوپارے کہ چوری و نیزگار شاری تا زند انا آب ءِ گچین کننگ کن پرائیویٹ ادارہ غاتا ہم اپ گریڈیشن ءِ کیک ۔