احمد جواد نا بطور سیکرٹری حوالکاری تحریک انصاف پنداری آن میڈیا ٹی پارٹی نا پنی مننگ اٹ پین ودکی مریک، اومیت ءِ کہ احمد جواد وزیراعظم عمران خان نا پت آ پورو سلک، ڈپٹی اسپیکر قومی اسمبلی قاسم خان سوری

کوءٹہ ۔ 25جولائی (اے پی پی) ڈپٹی اسپیکر قومی اسمبلی قاسم خان سوری احمد جواد ءِ پاکستان تحریک انصاف نا مرکزی سیکرٹری حوالکاری پندار مننگ آ مبارکبادی ترسا پارینے کہ نظریاتی کارندہ غاک ہی جمہوری و سیاسی پارٹی ٹی بھلو سرمایہ اس مریرہ، احمد جواد نا بطور سیکرٹری حوالکاری پنداری آن میڈیا احمد جواد نا پنداری آن پارٹی نا پنی مننگ اٹ پین ودکی مریک و احمد جواد گچین کارکڑدگی آن وزیراعظم عمران خان و پارٹی سرکڑدہ غاتا پت آ پورو سلک پاکستان تحریک انصاف نا پنی مننگ اٹ ودکی مریک ۔ قاسم خان سوری پارے کہ احمد جواد نا شمار پی ٹی آئی نا نظریاتی کارندہ غاتے ٹی مریک و کنے اومیت ءِ کہ او وزیراعظم عمران خان و تحریک انصاف نا سرکڑدہ غاتا پت آ پورو سلسا تینا زمواری تے جوان وڑاٹ پورو کیک اوپارے کہ احمد جواد پارٹی نا نہادی میرات ءِ و اسہ ہم سیاسی جماعت اس مخلص کارندہ غاتیان بیدس پنی مننگ نا مزل ءِ طے کننگ کپک ، احمد جواد نا پنداری آن ثابت مریک کہ تحریک انصاف اٹی کارندہ غاتا سلاہ ءِ مدام اہمیت دوئی مریک و متکن آ و نظریاتی کارندہ ہی پاکستان تحریک انصاف نا نہادی میرات ءُ ۔