پاکستان تحریک انصاف نا چیف آرگنائزر سیف اللہ خان نیازی نا گچین کاری تیٹی پارٹی نا سرسہبی آ اسہ سال اس پورو مننگ آ کارندہ غاتے مبارکباد

اسلام آباد ۔ 25جولائی (اے پی پی) پاکستان تحریک انصاف نا چیف آرگنائزر سیف اللہ خان نیازی مچ آ قوم خاص کر پاکستان تحریک انصاف نا کارندہ غاتے سرسہبی نا اسہ سال اس پورو مننگ آ مبارکبادی ترسا پارینے کہ قوم اینو وزیراعظم نا تاریخی دورہ امریکہ و گچین کاری تیٹی تحریک انصاف نا سرسہبی آ اللہ نا شکر ءِ ادا کننگ ءُ ۔ پنچ شنبے نادے آ پی ٹی آئی نا مرکزی میڈیا ڈیپارٹمنٹ آن جاری بیان نا رداٹ اوپارے کہ دورہ امریکہ ٹی وزیراعظم مچ آ دنیا ءِ باور کرفینے کہ پاکستان محتاج و لاچار آخا، توانا، غیرت مند و باوقار قوم اسے، واشنگٹن اٹی امریکی سرکڑدہ غاتون اوڑدہی ٹی اللہ پاک وزیراعظم ءِ ہر لحاظ اٹ سرسہب کرے ۔ سیف اللہ خان نیازی پارے کہ دہائی تا صبر کننگ نا انتظار آن پد پاکستان جہانی کہول آ تینے امنا کرفنگ ءِ واونا بیانیہ نا است بڈی ءِ کننگ انگ ءِ، 25جولائی ننا سیاسی تاریخ اٹی مزل نا نشان نا حیثیت تخک، 22سال انا مریس و صبر آزما جہد آن پد الس وزیراعظم عمران خان نا کلہو آ لبیک پارے ۔ اوپارے کہ 25جولائی آ قوم بدلی و گچین آخبت نا گچین کاری ءِ کرے ۔ روایتی و کرپٹ سیاسی ٹولہ پاکستان ءِ تہاری تا کنڈا پدی بِٹنگ خواہسکہ، سیف اللہ خان نیازی پارے کہ گچین کاری تیٹی شکست فاش نا بدلہ قوم و ملک ہلنگ خواہک، سیاست نا لویس اٹی مافیاتے ڈوہ و گندہ انگا ایجنڈا نا پوروی نا موکل تننگ مفک ۔ قومی وسیلہ غاتا لٹ وپل کروک آتا سخت احتساب قوم انا خواہش و ملک انا گرج ءِ ۔ یوم تشکر نا موقع غا اللہ رب العزت آن ارض پاک کن سلامتی ، شونہالی و امن نا خواست گار اُن ۔