پاک بحریہ نا سروک ایڈمرل ظفر محمود عباسی نا کینیا نا چیف آف ڈیفنس فورسز و ڈیفنس کیبنٹ سیکرٹری تون اوڑدہی، ترجمان پاک بحریہ

اسلام آباد ۔ 25جولائی (اے پی پی) پاک بحریہ نا سروک ایڈمرل ظفر محمود عباسی سرکاری دورہ غا کینیا غا سرمس ۔ کینیا نا چیف آف ڈیفنس فورسز و ڈیفنس کیبنٹ سیکرٹری تون اسیجا اوڑدہی کرے ۔ کینیا ڈیفنس ہیڈ کوارٹر آ بننگ آ چیف آف ڈیفنس فورسز و کمانڈر کینیا آرمی نیول چیف ءِ جم و جوش اٹ بخیر کرے ۔ ترجمان پاک بحریہ نا رداٹ سروک پاک بحریہ ءِ ہیڈ کوارٹر آ بننگ آ گارڈ آ ف آنر پیش کننگا ۔ اوڑدہی ٹی تین پہ تینی است خواہی نا معاملہ و ہڑتوم آ کنڈآتا کمکاری آ است پُر گپ و تران کننگا ۔ کینیا نا چیف آف ڈیفنس فورسز و ڈیفنس کیبنٹ سیکرٹری ڈیہہ ٹی امن و سوگوی نا چرجوئی ٹی پاک بحریہ نا کڑد انا ستاءِ کرے ۔ نیول چیف نا دا دورہ ہڑتوم آ ملک آتے ٹی بالعموم و بحری فوج آتا نیام اٹ خاص کر تین پہ تینی تعلقداری تا مون آ دننگ نا سوب مریک ۔