وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان نا ٹویٹ

اسلام آباد ۔ 25جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ 25جولائی نا گچین کاری تیٹی پاکستان نا الس نا است خواہی و عمران خان نا 23سال انا جہد رنگ ایس، الس عمران خان ءِ احتساب نا ہرامینڈیٹ ءِ تس ، اینو اونا فتح نا دے ءِ ۔ پنچ شنبے نادے آ تینا ٹویٹ اٹی ڈاکٹر فردوس عاشق اعوان پارے کہ اینو ہمو عنصر آتا شکست نا دے ءِ ہرافک قوم انا مال اٹی خیانت کریر ۔ الس ءِ نیزگارکرسا تینکن ماڑی جوڑ کریر ۔ سیاست ءِ لٹ وپل اکن کاریم اٹ اتوک آ سیاسی عبرت نا نشانہ مننگ ءُ ، قوم اوفتا میراتی غلامی ءِ مسترد کرینے ۔ اوپارے کہ 25جولائی السی شعور انا درشانی نا دے ءِ ۔ دادے آ الس نا کوپہ غاک کرپٹ عنصر آتا بیساکھی آخا بلکن پاکستان ءِ وڈی خوری آن پاک کننگ نا مشن نا سوگو سیبو مسر ۔ اینو نادے نسل درنسل اقتدار آ کوزہ گر و سیاسی ایوان تے روزگار نا ذریعہ جوڑ کروک آتے نظام آن پیشن خسنگا ۔ اِرا خاہوت واری واری اقتدار نا دوئی کننگ نا گوازی ءِ کرسا الس نا بدترین استحصال ءِ کریر ۔