اسلام آباد ۔ 24جولائی (اے پی پی) مزن وزیر عمران خان ءَ چینءِ پیسرگیں مزن وزیر لی پنگ ءِ بیرانیءِ سرءَ دلپدردی ءِ درشانی کتگء ُ گشتگ کہ لی پنگ ءَ را پاکستان ء ُ چینءِ نیامءَ دوستیء ُ سنگتی ءَ را گیش کنگءِ ازمتءَ را دائمءَ یات کنگ بیت ۔ آ پاکستان ءِ راستیں دوست بوتگ ۔ مزن وزیر ءَ گشتگ کہ حُدا مُرزی لی پنگ ءَ چین ءِ دیمروئی ء ُ وشھالی ء ُ خطہ ءَ امنء ُ ایمنی جوڑ کنگءَ مزنیں کردے پیلو کتگ ۔ چین ءِ پیسرگیں مزن وزیر لی پنگ یک روچے پیسر بیجنگ ءَ بیران بوتگ، آئی ءِ اُمبر 90سال بوتگ ۔
