اسلام آباد۔ 24 جولائی (اے پی پی) صدر مملکت ڈاکٹر عارف علویءَ گوشت کہ پاکستان سنگاپورءِ گوما دراھیں تک ءَ ھاسکر اقتصادی تک ءِ تہ دودیمی سیادی ءَ را سوگو کنگ ءُُ آہاں را گیش پراھ کنگ ءِ واھگدار انت۔آں پاکستان ءِ سنگاپور ءِ ھاترا نامینتگ ءِ ہائی کمشنر رخسانہ افضال ءِ گوما گپ ءُُ تران ءَ کنگ ات ایشاں چار شمبے ءَ ادا ایوان صدر ءِ تہ ایشی ءَ گوں گند ءُُ نند کتگ۔صدر مملکت ءَ دوئیں ملکانی میان ءَ یکجاھیں وزارتی کمیشن ءِ تبک ءَ رھوت ءِ سرا زور مان کتگ۔نامینتگ ءِ ہائی کمشنر دویمی بیئپار ءَ را پراھ کنگ ئپپ آزاتیں بیئپارءِ معاہدہ ءِ ھاترا بامکسد گپ ءُُ تران ءِ ھاترا کا ر ءَ کن انت۔ صدر مملکت ءَ آئی ءِ سرا زور مان کتگ کہ آں سنگاپور ءِ تہ پاکستانی بیئپاری براتری ءَ را پاکستان ءِ تہ سرمایہ کاری دوست ءِ ماحول ءَ چہ پائدگ چست کنگ ءِ ھوار آسیان ءِ تہ پاکستان ءِ فل ڈائیلاگ پارٹنر شپ ءِ ھاترا ہمک ممکن کوشست ءَ کن انت۔ صدر مملکت ءَ سنگاپورءِ ھاترا نامینتگ ءِ ہائی کمشنر ءِ ھاترا نیکیں واھشتانی درشان کتگ ءُُ اے امیت ءِ درشانی کتگ کہ ایشی ءِ تعیناتی ءِ وھد ءَ دوئیں ملکانی میان ءَ دودیمی سیادی گیش پراھ بنت۔
