واشنگٹن۔ 24 جولائی (اے پی پی) پاک فوج ءِ سروک جنرل قمرجاید باجوہ ءَ امریکا ءِ دری کارانی وزیر مائیک پومپیو،سینیٹر لنزے گراہم ءُُ جنرل ریٹائرڈ جیک کین جتا جتاھیں گند ءُُ نند کتگ۔ایشی ءِ تہ دودیمی معاملہانی ءُُ دمگی سلامتی ءِ جاورھال ءِ سرا ھیال ریچی کنگ بوتگ۔ پاک فوج ءِ ربالکار میجر جنرل آصف غفور ءِ ٹویٹ ءِ ردا آرمی چیف جنرل قمر جاوید باجوہ ءَ امریکا ءِ دری کارانی وزیر مائیک پومپیو ءِ گوما گند ءُُ نند کتگ۔گند ءُُ نند دودیمی دمگی سلامتی ءِ جاورھال ءِ سرا ھیال ریچی کنگ بوتگ۔گند ءُُ نند ءِ تہ دمگی سلامتی ءِ جاورھال ءُُ اوگان امن عمل ءِ سرا گپ ءُُ تران کنگ بوتگ ءُُ اوگان مہلوک ءِ سروکی ءَ اوگان ایمنی ءِ کار ءَ زور داتگ۔ ڈی جی آئی ایس پی آر میجرجنرل آصف غفور ءَ وتی بیان ءَ گوشت کہ آرمی چیف قمر جاوید ءَ امریکی محکمہ خارجہ ءِ تروتاب کتگ۔آرمی چیف ءَ گند ءُُ نند ءِ تہ گوشت کہ پاکستان احترام،اعتماد ءُُ یکجاھیں اقدار ءَ ھوار وت مہ وتی سیادی ءَ را ارزشت دیگ انت۔گند ءُُ نند ءِ تہ پاکستان ءُُ امریکا ءِ سیادی گیش گہتر کنگءِ سرا گپ بوتگ۔ 22 جولائی ءَ بیوکیں سروکی دیوان ءِ چار ءُُ تپاس گپتگ۔ایشی ءَ چہ پیسرءَ جنرل قمر جاوید باجوہ ءِ سینٹیر لنزے گراہم ءُُ جنرل ریٹائرڈ جیک کین ءِ گوما ھم گند ءُُ نند بوتگ اے موہ ءِ سرا سینیٹر گراہم ءَ خطہ ءِ گہتر جاورھال ءِ تہ پاکستان ءِ کردءَ ستا کتگ۔
