وزیراعظم عمران خان نا دورہ امریکہ گمان آن زیات سرسہب مس، پاک بھارت امن اٹ اڑاند کشمیر نا ویل ءِ، مقبوضہ کشمیر اٹی حالیت آک بگڑینگسا ہِننگ ءُ، کشمیر نا ویل انا ایسری ٹی امریکہ کڑد ادا کننگ کیک، شاہ محمود قریشی

واشنگٹن۔ 24جولائی (اے پی پی) وزیر خارجہ شاہ محمود قریشی پارینے کہ وزیراعظم عمران خان نا دورہ امریکہ گمان آن زیات سرسہب مس، مچ آ امریکہ ٹی جشن نظر بس، پاک بھارت امن اٹ اڑاند کشمیر ناویل ءِ۔ مقبوضہ کشمیر اٹی حالیت آک بگڑینگسا ہِننگ ءُ، مقبوضہ کشمیر نا ایسری ٹی امریکہ کڑد ادا کننگ کیک۔ داہیت ءِ او اسہ نجی ٹی وی چینل اسے تون گپ و تران کرساپارے۔ شاہ محمود قریشی پارے کہ وزیراعظم عمران خان تون امریکی صدر نا گرم جوش رویہ تاریخ اٹی اولیکو وار نظر بسنے۔ وزیراعظم ءِ وائٹ ہاؤس نا ہمو بشخ آتاہم دورہ ءِ کرفنگا ہرافتے وخت اس ہم ملنگ تنے، وزیراعظم عمران خان نا امریکہ نا دورہ گمان آن زیات سرسہب مس۔ مچ آ امریکہ ٹی جشن نظر بس، خلقت سڑک آتیا بیرک ءِ چست کرسا نظر بس۔ کیپٹل ہل آ ہِننگ نا وخت آ خلقت روڈ آتیا سلسا وزیراعظم ءِ بخیر کریر۔ کیپٹل ہل اٹی کانگریس نا باسک آتون اوار ایلو خلقت آک عکس کشفسا کریر۔ اوپارے کہ پاک بھارت امن اٹی غٹ آن بھلا اڑاند کشمیر ناویل ءِ، مقبوضہ کشمیر اٹی حالیت آک بگڑینگسا ہِننگ ءُ۔ اسہ سوج اسے ناورندی ٹی اوپارے کہ بھارت و امریکہ نا تعلقداری تینا نوعیت نا ءُ ولے کشمیر نا ویل انا ایسری ٹی امریکہ کڑد ادا کننگ