آرمی چیف جنرل قمر جاوید باجوہ نا پینٹا گون نا دورہ، چیئرمین جوائنٹ چیف آف اسٹاف اودے بخیر کرے، امریکی عسکری کمامدارآتا کنڈآن دہشت گردی نا برخلاف جنگ اٹی پاک فوج انا قربانی تا ستاءِ کننگا
واشنگٹن۔ 24جولائی (اے پی پی) آرمی چیف جنرل قمر جاوید باجوہ پینٹا گون نا دورہ ءِ کرے، چیئرمین جوائنٹ چیف آف اسٹاف جنرل جوزف ڈین فورڈ اودے بخیر کرے۔ داوخت آ آرمی چیف ءِ گارڈ آف آنر پیش کننگا و 21توپ آتا سلامی تننگا۔ پاک فوج انا محکمہ تعلقات عامہ (آئی ایس پی آر) نا کنڈآن جاری پریس ریلیز نا رداٹ چیف آف آرمی اسٹاف جنرل قمر جاوید باجوہ امریکہ ٹی پینٹاگون نا دورہ ءِ کرے۔ امریکہ نا چیئرمین جوائنٹ چیف آف اسٹاف جنرل جوزف ڈین فورڈ اودے بخیر کرے۔ داوخت آ آرمی چیف قمر جاوید باجوہ ءِ گارڈ آف آنر پیش کننگا و 21 توپ آتا سلامی تننگا۔پریس ریلیز نا رداٹ چیف آف آرمی اسٹاف جنرل قمر جاوید باجوہ نا امریکی عسکری کمامدارآتون علاقائی و اوغان عمل تون اوار ڈیہہ نا سیکورٹی حالیت آتیا ہیت وگپ مس۔ آرمی چیف قمر جاوید باجوہ نا امریکی چیف آرمی اسٹاف جنرل مارک اے ملی تون اوڑدہی ٹی گپ و تران مس ہراٹی دہشت گردی نا برخلاف جنگ اٹی پاک فوج انا قربانی تا ستاءِ کننگا۔ جنرل مارک اے ملی و جنرل قمر جاوید باجوہ نا نیام اٹ اوڑدہی ٹی ہڑتوم آ کنڈآتا عسکری کمکاری و سیکورٹی حالیت آتا بابت گپ و تران کننگا۔ چیف آف آرمی اسٹاف جنرل قمر جاوید باجوہ نا امریکی قائم مقام وزیر دفاع تون گپ و تران اٹی سیکورٹی و ہڑتوم آ کنڈآتا عسکری کمکاری نا بابت معاملہ غاتیا گپ و تران کننگا۔ داوخت آ آرمی چیف جنرل قمر جاوید باجوہ امریکی قومی ہیروتا یات گار نا دورہ ءِ کرے و ہیروتے خراج عقیدت پیش کرے۔ دود اٹی ہڑتوم آ ملک آتا قومی ترانہ ءِ خلنگا۔
