سویلی ایشیا ٹی پاکستان نا کڑد بے کچ اہم ءِ، ڈیہہ ناامن کن وزیراعظم عمران خان نا خذمت ستاکڑزک
واشنگٹن۔ 24جولائی (اے پی پی) امریکی کانگریس نا باسک آک پارینو کہ سویلی ایشیا ٹی پاکستان نا کڑد بے کچ اہم ءِ، ڈیہہ نا امن کن وزیراعظم عمران خان نا خذمت ستاکڑزک، عمران خان اوغان ویل انا ایسری کن تاریخی ءُ سلاہ اس تسنے، پاکستان و امریکہ نا تعلقداریک پین سوگو و مستحکم مریرہ۔ داخیال آتا رشانی ءِ اوفک وزیراعظم عمران خان نا امریکی ایوان نمائندگان کیپٹل ہل آ بننگ نا وخت آ گپ و تران کرسا کریر۔ شیلا جیکسن تون اوار ایلو کانگریس نا باسک آک پاریر کہ سویلی ایشیا ٹی پاکستان نا کڑد بے کچ اہم ءِ، ڈیہہ ٹی امن کن وزیراعظم عمران خان نا خذمت ستاکڑزک۔ اوفک پاریر کہ پاکستان تون تعلیم، قابل تجدید توانائی نا بشخ اٹی کمک کینہ، اوغانستان اٹی امن کن وزیراعظم نا خذمت آک ستاکڑزرہ، دہشت گردی نا برخلاف جنگ اٹی پاکستان ہزار آ قربانی تے تس۔ اوفک پاریر کہ وزیراعظم عمران خان اوغان ویل انا ایسری کن تاریخی ءُ سلاہ اس تسنے۔ پاکستان و امریکہ نا تعلقداریک پین سوگو و مستحکم مریرہ، پاکستان و امریکہ نا نیام اٹ معیشت، سیکورٹی تون اوار کیہی بشخ آتے ٹی اسیجا فائدہ غاک ءُ۔
