اسلام آباد۔ 24جولائی (اے پی پی) ڈپٹی اسپیکر قومی اسمبلی قاسم خان سوری کوئٹہ ٹی مروک آ بمب دھماکہ نا ترند ی اٹ مذمت ءِ کرسا نہادی جان تا زیان آ ڈکھ و است ہسونی نا درشانی ءِ کرینے و بمب دھماکہ نا ترند انگا لوز آتے ٹی مذمت ءِ کرینے۔ چارشنبے نادے آ تینا ہڑزخواہی کلہو اٹی اوپارے کہ اسہ وار ولداامن نا دشمنک کودک شاری تے شست کرینو ہرافتا مسخت دا خوف و بھیم تالان کننگ نا سازش ءِ۔ دُن انگا لغوری نا کارروائی آن پاکستانی الس نا حوصلہ ءِ شیف کننگ مفک۔ مچ آ قوم شہید آتا خاہوت آتا غم اٹی بریبر نا شریک ءُ۔ پروردگار دا سانحہ ٹی ٹھپی مروک آتے زوت جان جوڑ کے۔ اودعا کرے کہ اللہ تعالیٰ پاک سرزمین ءِ دہشت گردی نا ناسور آن پاک کے۔
