اسلام آباد ۔ 23 جولائی (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ پاکستان کشمیر ءِ جیڈھ ءَ سلاھ کنوک ءِ بوھگ ءِ واستہ امریکہ ءِ صدر ءَ را وش اتک کنت، مزن وزیر عمران خان ءِ امریکی صدر ڈونلڈ ٹرمپ ءَ گوں کامیاتیں گند ءُُ نند پاکستان ءِ کامیاتی انت، راج ءَ را وتی سروک ءِ سر ءَ ناز انت ایشی ءَ یک شل ءَ میاں اوستمانی تک ءَ پاکستان ءِ سروکی کت ۔ سئے شمبے ءَ ووتی ٹویٹ ءَ آئی ءَ گوشت کہ گند ءُُ نند ءَ پاکستان ءُُ بھارت ءِ نیام ءَ کشمیر ءِ کشاں چیل ءِ سر ءَ گپ ءُُ تران کنگ ءَ چہ پڑے بنیاتی جیڈھ آنی گیواری ءِ ارزشت جوانیں رنگ ءَ سہرا بوت ۔ آئی ءَ گوشت کہ صدر ڈونلڈ ٹرمپ ءِ اوگان جیڈھ ءِ سر ءَ مزن وزیر پاکستان ءِ لیکہ ءَ را من اتگ ءُُ آئی ءَ را نامدار گوشت عمران خان ءِ سرج میں گنیا ءِ تہ ءَ گیش بوھوکیں دل یکیمی ءِ درشان ءُُ آئی ءِ رھشونی ازم آناں منگ انت ۔
