اسلام آباد ۔ 23 جولائی (اے پی پی) صدر مملکت ڈاکٹر عارف علوی ءَ گوشت کہ پاکستان ٹیکس کلچر ءِ دیمروئی، لٹ ءُُ پُل ءِ ھلاسی ءُُ سادگی ءَ چہ اے گامگیج آنی وسیلگ ءَ اقتصادی برجائی گپت کنگ ایشی ءَ چہ امیر ءُُ گریب ءِ نیام ءَ پرک ءَ را کم کنگ ءَ کمک رسیت ۔ آ سئے شمبے ءَ نیشنل یونیورسٹی آف سائنس اینڈ ٹیکنالوجی (نسٹ) ءِ چیر دستی ءَ پاکستان اقتصادی چار ءُُ تپاس ءُُ دیم ءَ جنزگ ءِ رد ءَ سیمینار ءَ گوں گشتانک دیان ءَ کت ۔ صدر ءِ مملکت ءَ گوشت کہ ملک ءَ اقتصادی برجائی اے گام آنی رد ءَ بہ بیت کہ لس مردم ءِ معاشی جاور گہتر بہ بنت ۔ آئی ءَ گوشت کہ حکومت ءِ نیمگ ءَ مالیاتی کار آنی مسلی رنگ دیگ، ٹیکس ءِ گرگ ءُُ سادگیں گامگیج آنی سر ءَ زور دیگ المی انت ءُُ اے راج ءِ سیت ءِ واستہ انت ۔ آئی ءَ اے گوشت کہ اے گپ اپسوزی ات کہ دگنیا ءِ دولت ءِ 50درسد یک سد سیر لاپیں مردم آنی کرا انت ۔ صدر ءِ مملکت ءَ مردم آنی نیام ءَ بروبری ءَ را دل یکیمی جوڑ کنگ ءُُ ایشاناں روزگار ءِ جوانیں موہ پجارینگ ءِ ضلورت ءِ سر ءَ زور پر دات ۔ آئی ءَ نسٹ یونیورسٹی ءَ را گنیا ءِ نمبر یک 400 یونیورسٹی آنی تہ ءَ بھر زوری ءُُ انڈسٹری ءِ واستہ 35 پیٹنٹس آنی در جنگ ءَ را ساڑات ۔ اے موہ ءِ سر ءَ نسٹ ریکٹر لیفٹیننٹ جنرل نوید زمان ءَ گوشت کہ نسٹ یک سالے ءِ توک ءَ انڈسٹری ءَ ھپت نوکیں انوویشنز پجار کنائینت، دل ءِ واستہ پیتل ءِ سٹنٹس ھم پجار کنائینگ بیت ایشانی کساس 15 ہزار کلدار بیت وھدیکہ اے وھد ءَ مارکیٹ ءَ استیں سٹنٹ ءِ کساس 80ہزار کلدات انت ۔ سیمینار ءَ کلانہ ایں معیشت ، نودربر، سول سوساءٹی ءِ باسک ءُُ جتا جتائیں تھنک ٹینکس آنی نماھندگ آں ھم بھر زوری کت ۔
