ٹرمپ نا کشمیر نا ویل آ ثالث نا کڑد ءِ ادا کننگ نا سلہ غان کشمیر نا ویل آ پاکستان نا موقف ءِ پک کرینے
اسلام آباد۔ 23جولائی (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ امریکی صدر ڈونلڈ ٹرمپ نا کنڈآن کشمیر نا ویل آ ثالث نا کڑد ءِ ادا کننگ نا سلہ غان کشمیر نا ویل آ پاکستان نا موقف ءِ پک کرینے ہرا اسہ بھاز بھلو سرسہبی اسے۔ سے شنبے نادے آ اسہ نجی ٹی وی چینل اسے تون گپ و تران کرسا اوپارے کہ بھارتی میڈیا ڈونلڈ ٹرمپ نا بیان آ واویلا کننگ ءِ انتئے کہ اوفتے امریکی صدر آن داوڑ نا بیان نا گمان الوکہ۔ امریکی صدر پارے کہ بھارتی وزیراعظم نریندر مودی ہم کشمیر نا ویل انا ایسری ءِ کواہک و دا بابت اوڑان کمک خواہسونے۔ چوہدری فواد حسین پارے کہ کشمیر نا ویل آ پاکستان نا موقف درست ءِ و پاکستان کشمیر نا ویل آ پر امن ایسری خواہک۔ اسہ سوج اسے نا ورندی ٹی اوپارے کہ پرامن اوغانستان پاکستان نا فائدہ ٹی ءِ۔ اوپارے کہ اپوزیشن ءِ ملک ءِ مون تروک ویل آتیا ہچ ءُ گڑتی اس اف و او سیاسی پوائنٹ سکورنگ کن حکومت آ تنقید کننگ ءِ۔ اوپارے کہ جیل تیٹی بند غٹ بندی تتون کانود نا رداٹ سلوک کننگک۔
