اسلام آباد۔ 23جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ پاکستان کشمیر نا ویل آ ثالثی کن امریکی صدر نا سلہ نا ستاءِ کیک، وزیراعظم عمران خان نا امریکی صدر ڈونلڈ ٹرمپ تون سرسہب اوڑدہی پاکستان نا سرسہبی ءِ، قوم ءِ تینا رہبر آ ناز ءِ ہراباوقار وڑاٹ جہانی کہول آ پاکستان نا نمائندگی ءِ کرے۔ سے شنبے نادے آ تینا ٹویٹ اٹی اوپارے کہ اوڑدہی ٹی پاکستان و بھارت نا نیام اٹ کشمیر نا جھیڑہ غا گپ و تران آن ڈیہہ نا بنداوی ویل انا ایسری نا اہمیت پبی وڑاٹ تالان مس۔ اوپارے کہ صدر ڈونلڈ ٹرمپ نا اوغان ویل آ وزیر اعظم پاکستان ناموقف نا تائید و اودے پنی آ راہشون گوندنگ عمران خان آ دنیا نا ودوک آ پت انا درشان و اونا سرکڑدہ ہی لائخی تا اعتراف ءِ۔
