واشنگٹن۔ 22جولائی (اے پی پی) وزیراعظم عمران خان تون بوور گروپ آف ایشیا نا سینئر امریکی بزنس ایگزیکٹوز دوشنبے نادے آ داڑے پاکستانی سفارت خانہ ٹی اوڑدہی کرے۔ اوڑدہی ٹی پاکستان اٹی زرکاری نا وارخواہی تیا گپ و تران کننگا۔ بورگروپ آف ایشیا نا چیف ایگزیکٹوآفیسر ایرنی بوور نا کماشی ٹی وزیراعظم عمران خان تون اوڑدہی کروک آ ڈل اٹی کیرگل ’اور کل‘ سی ایچ یو بی بی، چیزی، ویسٹرن یونین، ویزہ و مائیکرو سافٹ نا ایگزیکٹو ز آک اوار ئسر۔ وزیراعظم ڈل ءِ پوسکن آ پاکستان اٹی زرکاری نا وارخواہی تیان معلومدار کرسا پارے کہ حکومت امریکی زرکارآتے ہروڑنا کمک فراوان کیک۔ اوپارے کہ پاکستان اٹی کاروبار ءِ آسان کننگ کن گام گیج کننگ انگ ءِ۔ ڈل کاروبار و زرکاری نا وارخواہی تیا گپ و تران کننگ آ وزیراعظم نا منت واری ءِ ہرفے و پاکستان اٹی تینا تینا کمپنی تا ڈٹ آتا بارواٹ وزیراعظم ءِ معلومدار کریر۔
