کراچی ۔ 22 جولائی (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان امریکہ ءِ تر ءُُ تاب ءِ ساھت ءَ راجی سیت ءِ واستہ پاکستان ءِ لیکہ ءَ را سہرا کنت، اوورسیز پاکستانی آں پاکستان ءِ ھلاپ ءَ لیکہ ءَ را رد کتگ، پاکستان دژمن آنی پندل نوں تسگ ءَ انت، مزن وزیر پاکستان ءُُ امریکی صدر ءِ گند ءُُ نند ءَ چہ پڑ ءَ جوانیں رند پد دیم ءَ سہرا بوھگ ءَ انت ۔ اے ھیالانی درشانی آنی ءَ دو شمبے ءِ روچ ءَ کراچی پریس کلب ءَ میڈیا ءَ گوں تران کنان ءَ کت ۔ اے موہ ءِ سر ءَ پریس کلب ءِ صڈر امتیاز خان فاران، سیکرٹری ارمان صابر، مجلس عاملہ ءِ باسک ءُُ پی ٹی آئی ءِ فردوس شمیم نقوی ءَ ھوار ایندگر ھم ساڑی اتنت ۔ ڈاکٹر فردوس عاشق اعوان ءَ گوشت کہ عمران خان راجی سلامتی ، راجی سیت ءُُ الس ءِ ھک آنی بیان کنگ ءَ دگنیا ءَ دیمروئی ءِ واستہ در کپتگ گڈا ما امیت کناں کہ لستیں سیاسی بچالوکیں دوست کہ پاکستان ءِ سیت ءَ را تاوان رسینگ ءِ کوشست ءَ کنگ ءَ انت آ ھوش ءِ گولی ءَ بور اَنت ۔
