واشنگٹن ۔ 22 جولائی (اے پی پی) امریکی صدر ڈونلڈ ٹرمپ ءَ کشمیر ءِ جیڈھ ءِ گیواری ءِ واستہ سلاھ نیامی مردم جوڑ بوھگ ءِ گوشت کہ اگاں کشمیر ءِ گیواری ءَ گیواری ءَ کرد ءِ پیلو کت کناں گڈا منا سک باز وشی بیت، پاکستان یک شرپ مندیں ملک ات، مزن وزیر عمران خان پاکستان ءِ سک باز نامداریں مزن وزیر ات، پاکستان اوگان ایمنی کار ءَ را دیم ءَ جنزینگ ءَ ارزشتی ایں کرد ءِ پیلو کنگ ءَ انت، مئے گند ءُُ نند سک باز ارزشتی بوت وھدیکہ مزن وزیر عمران خان ءَ گوشت کہ بھارت ءِ گوما گپ ءُُ تران ءِ واستہ تیار آں ، پاکستان ءَ ناشرکاری ءِ ھلاپ ءَ جنگ ءَ 70ہزار جان آنی کربانی داتگ، اوگان جیڈھ ءِ گیواری اُردی نہ انت، اوگان جیڈھ ءِ گیواری سول ءُُ تران ءِ وسیلگ ءَ بوت کنت، ما اوگان منوگری ءِ نزیک ءَ سر بوتگ آں ۔ دو شمبے ءَ ادا واءٹ ہاءوس ءَ یکجائیں پریس کانفرنس ءَ گوں گشتانک دیگ ءِ ساھت ءَ کت امریکی صدر ء ۔ گوشت کہ مزن وزیر عمران خان ءِ گوما گند ءُُ نند ءَ بھارت ءُُ اوگانستان ءِ ھوالگ ءَ گپ ءُُ تران بوت ءُُ ما اوگانستان ءِ جاور ھال آنی بابت ءَ سرج میں گپ ءُُ تران کت، پاکستان ءُُ بھارت ءِ نیام ءَ نیامی مردم بوھگ ءِ واستہ ھمک ساھت تیار آں ، درج بُریں جیڈھ ءِ گیواری ءِ واستہ سلاھ کنوک ءِ بستار ءَ کار مردم بوھگ ءَ سک باز گل باں ۔ آئی ءَ گوشت کہ پاکستان ءِ گوما مئے سک باز ارزشتی ایں یکوئی است، منی بازیں جوانیں دوستدار آنی سیادی گوں پاکستان ءَ انت ۔ آئی ءَ گوشت کہ پاکستان اوگانستان ءِ جیڈھ ءِ گیواری ءِ واستہ مئے گوما جوانی ءَ گوں کمک کنگ ءَ انت، امیت انت کہ لُکوکیں وھد ءُُ پاس ءَ پاکستان ءُُ امریکہ ءِ نیام ءَ تجارت ءِ تہ ءَ گیشی بیت ۔ مزن وزیر عمران خان ءَ گوشت کہ مناں امریکہ ءِ تر ءُُ تاب ءِ دعوت امریکہ صدر ڈونلڈ ٹرمپ ءَ داتگ، صدر ٹرمپ ءِ گوما باز جوانیں جاور ھال آنی تہ ءَ گپ ءُُ تران بوتگ، دوئیں ملک آنی نیام ءَ جتا جتائیں کار آنی سر ءَ وت مہ وتی بوت، امریکہ زوراکیں ملک، برصغیر ءَ ایمنی ءِ واستہ کرد ءِ پیلو کنگ سک باز ارزشتی انت، صدر ٹرمپ ءِ سروکی ءَ امریکہ پاکستان ءُُ بھارت ءَ را نزیک آورت کنت ۔ آئی ءَ گوشت کہ ما بھارت ءِ گوما گپ ءُُ تران کنگ ءَ تیار آں ، پاکستان اوگان جنگ ءِ ساھت ءَ اولی لائن ءِ ملک ءِ کرد ءَ را پیلو کتگ، اوگان جیڈھ ءِ گیواری اُردی رنگ ءَ بوت نہ کنت، اوگان جیڈھ سول ءُُ تران ءِ وسیلگ ءَ گیوار بوت کنت، ما اوگان ایمنیں منوگری ءِ نزیک ءَ سر بوتگ آں ، اوگان جنگ ءَ چہ لکھانی مردم آماچ بوتگ اَنت، مئے کرد طالبان ءُُ اوگان حکومت ءِ سول ءُُ تران ءِ ٹیمبل ءِ چیر ءَ انت، اوگان جیڈھ ءِ گیواری ءِ واستہ سک باز ارزشتی ایں زمانگ ءِ گوزگ ءَ انت، اوگانستان ءَ ایمنی ءُُ برجائی درستاں چہ گیشتر پاکستان ءِ سیت ءِ واستہ انت ۔ مزن وزیر عمران خان ءَ گوشت کہ پاکستان ءَ ناشرکاری ءِ ھلاپ ءَ جنگ ءَ 70 ہزار جانی کربانی داتگ، ناشرکاری ءَ چہ معیشت ءَ 150 ارب ڈالر ءِ تاوان رستگ ۔
