واشنگٹن ۔ 22 جولائی (اے پی پی) مزن وزیر عمران خان ءَ گوں سروک ریپبلکن سینیٹر لنڈسے گراہم ءَ دو شمبے ءَ ادا پاکستان گس ءَ گند ءُُ نند کت ۔ سینیٹر لنڈسے گراہم سینیٹ ءِ جوڈیشری کمیٹی ءِ سروک ءُُ سینیٹ ءِ درئی یکوئی کمیٹی ءِ باسک انت ۔ مزن وزیر عمران خان ءُُ سینیٹر لنڈ سے گراہم ءَ دو نیمگی یکوئی ءُُ دمگی جاور ھال آنی سر ءَ ھیال ریچی کت ۔ مزن وزیر ءَ پاکستان ءُُ امریکہ ءِ یکوئی آناں گیش مھکم کنگ ءِ واستہ سینیٹر گراہم ءِ کوشست ءُُ ھمبراھ داری آناں ساڑات ۔ مزن وزیر عمران خان ءَ سینیٹر لنڈسے گراہم ءَ را پاکستان ءِ حکومت ءِ دیمروئی ءُُ اقتصادی اول سرئی کار آنی بابت ءَ سرپد کت ۔ آئی ءَ گوشت کہ پاکستان امریکہ ءِ گوما دراج بُریں یکوئی ءِ واھشت ایگ انت، ایشی ءَ چہ دوئیں ملک آنی سیت آنی رکھینگ بیت ءُُ معیشت ءَ چہ تجارت ءُُ سرمایہ کاری ءَ چہ ھاٹیگ ءُُ زانشت ءِ تاں شوبگ ءَ جوانیں دیمروئی رسیت ۔ مزن وزیر ءَ گوشت کہ پاکستان ءَ اوگانستان ءَ نہ وشیں جاور آنی ٹوھیں نیاد داتگ، پاکستان اوگانستان ءَ ایمنی لوٹ ایت ءُُ آ اوگانستان ءَ سیاسی گیواری ءِ واستہ امریکہ ءِ گوما کار کنگ ءِ سرج میں ءَ جزمیگ انت ۔ سینیٹر گراہم ءَ مزن وزیر ءِ گوما تپاک کت ءُُ امریکہ ءُُ پاکستان ءِ نیام ءَ مھک میں ءُُ ٹوھیں تک ءِ رابطہ دوئیں ملک آنی وت مہ وت سیت ءِ واستہ انت ۔ گند ءُُ نند ءَ وزیر ءِ درئی کار شاہ محمود قریشی، سیکرٹری درئی کار سہیل محمود ءُُ امریکہ ءَ پاکستان ءِ سفیر اسد ایم خان ھم ساڑی اَت ۔
