واشنگٹن ۔ 22 جولائی (اے پی پی) مزن وزیر عمران خان ءَ امریکہ ءَ نندوکیں تاجر ءُُ کاروباری مردم آناں پاکستان ءَ سرمایہ کاری ءِ دعوت دیان ءَ آوانی سر ءَ زور دات کہ آ پاکستان ءَ جوانیں جاور ، سرمایہ کار دوست پالیشی ءُُ کاروبار ءِ تہ ءَ جوانیں سیت ءِ گرگ ءِ موہ ءَ چہ نپ چست بکن ات ۔ آ اے تجارت ءُُ سرمایہ کاری کانفرنس ءَ گوں گشتانک دیان ات ۔ کانفرنس ءَ امریکہ ءَ نندوکیں اولی لائن ءِ پاکستانی کاروباری مردم ءُُ سرمایہ کار آں بھر زوری کت ۔ مزن وزیر ءَ گوشت کہ پاکستان تحریک انصاف ءِ حکومت ءَ آمدنی ءَ را گیش ودینگ ءِ واستہ نوکیں ساچست ءِ پجار کنائینتگ ءُُ ملک ءَ در ملکی سرمایہ کاری ءَ را دیمروئی داتگ ۔ مزن وزیر ءَ گوشت کہ نوکیں پاکستان ءِ سسا کاروباری برات آناں اول سر کنگ ءِ رد ءَ آسراتی پجارینگ انت ۔ آئی ءَ گوشت کہ گوریچانی امریکہ ءَ نندوکیں گیشتریں پاکستانی سیلف میڈ اَنت ءُُ آ گیشیں جھد ءُُ محنت ءِ سبب ءَ آئی ءِ دل ءَ جوانیں بستار ءِ دار انت، پاکستان آئی ءَ گوں امیت دار ایت کہ آ دیمروئی ءِ سفر ءَ حکومت ءِ گوما کمک کن اَنت ۔
