واشنگٹن ۔ 22 جولائی (اے پی پی) امریکی صدر ڈونلڈ ٹرمپ ءَ واءٹ ہاءوس ءَ آیگ ءِ پد ءَ مزن وزیر عمران خان ءَ را بنجاھی در ءِ دپ ءَ اتک ءُُ آئی ءَ را وش اتک ءِ کت ۔ دو شمبے ءَ مزن وزیر عمران خان وھد ءِ واءٹ ہاءوس ءَ پج ات گڈا صدر ڈونلڈ ٹرمپ پیسر ءَ چہ آھودا ساڑی ات ۔ مزن وزیر عمران خان ءُُ ڈونلڈ ٹرمپ ءَ آئی ءَ را وش اتک کت ۔ دوئیں سروک بچکندگ ءَ اتنت ۔ مزن وزیر عمران خان راجی پوشاک ءِ تہ ءَ ات ۔ وزیر ءِ درئی کار شاہ محمود قریشی ءُُ آرمی چیف جنرل قمر جاوید باجوہ ھم مزن وزیر ءِ ھمبراھی ءَ واءٹ ہاءوس ءَ پج اتنت ۔ دوئیں سروک آنی نیام ءَ سروکی ءَ آیگ ءَ چہ پد اولی رند ءَ اے گند ءُُ نند ات ۔ مزن وزیر عمران خان ءُُ امریکی صدر ڈونلڈ ٹرمپ ءَ ون آن ون گند ءُُ نند ءَ چہ پیسر میڈیا ءَ گوں لُکوکیں تران ھم کت ۔ امریکی صدر ءَ گوشت کہ مزن وزیر عمران خان ءَ گوں گند ءُُ نند ءَ را سک باز جوانیں موہ ءَ بوھگ ءَ انت ۔
