سپیکر قومی اسمبلی اسد قیصر ءِ کوریا۔پاکستان پارلیمانی فرینڈ شپ گروپ ءِ سروک چو بائی سوکءِ گوما گپ ءُُ تران

اسلام آباد۔ 22 جولائی (اے پی پی) سپیکر قومی اسمبلی اسد قیصر ءَ گوشت کہ پاکستان ءِ تہ کشت ءُُ کشاری ءُُ ٹوارزم ءِ تک ءَ زرکاری ءِ دراجیں موہ ساڑی انت۔ایشاں چہ کوریا ءِ زرکار نپ چست کت کن انت۔اے تکانی تہ دودیمی کمک ءَ را پراھی دات دوئیں ملکانی معیشت ءَ را سوگو کنگ بیت۔پاکستان ءِ تہ استیں حکومت کشت ءُُ کشاری ءِ تک ءِ سرا ھاسیں دلگوشی دیگ انت۔اے ھیالانی درشان آہاں کوریا۔پاکستان پارلیمانی فرینڈشپ گروپءِ سروک چوبائی سوک ءَ گوں گپ ءُُ تران کنان ءَ کتگ ات۔آہاں کوریا ءِ پارلیمانی ڈل ءِ ہمبراہ دوشمبے ءِ روچ ءَ پارلیمنٹ ہاوس ءِ تہ ایشاں گوں گند ءُُ نند کتگ۔سپیکر ءَ پاکستان ءُُ کوریاءِ میان ءَ کشت ءُُ کشاری ءُُ ٹوارزم ءِ تک ءِ تہ کمک ءَ را پراھی دیگ ءِ ضلورت ءِ سرا زور مان کنان ءَ گوشت کہ کشت ءُُ کشاری تک ءِ تہ نوکتریں ٹیکنالوجی ءِ کارمرزی ءَ چہ ات تک ءَ را دیمروئی دیگ بیت۔آہاں گوشت کہ کوریا پاکستان ءِ تہ کشت ءُُ کشاری ءِ تک ءِ تہ یک دومیگءَ گوں بروبری انت ایشی ءِ سبب ءَ مہ یک دومیگ ءِ تجربگ چہ چکاریں پائدگ چست کت کنیں۔آہاں کشت ءُُ کشاری ءِ تک ءَ را دیمروئی دیگ ءِ ھاترا کوریا ءَ گوں کمک ءَ را پراھی دیگ ءِ واھشت ءِ درشان کتگ۔ اسد قیصر ءَ دوئیں ملکانی فرینڈ شپ گروپانی وسیلگ ءَ اُلسی تبک ءِ سرا رھوت ءَ را پراھی دات اقوام متحدہ ءَ را گیش نزیک آرگ ءِ ضلورت ءِ سرا زور مان کتگ۔آہاں گوشت کہ کوریا ءِ تہ ساڑی پاکستانی ورکرز ءَ راہمک ممکن آسراتی پھجارگ بنت۔آہاں گوشت کہ چائنا پاکستان اقتصادی راہداری (سی پیک) یک گیم چینجر منصوبگ انت ایشی ءَ چہ خطہ ءِ تہ روزگار ءِ نوکیں موہ ودی بنت ءُُ دمگ ءِ تہ دیمروئی ءُُ وشھالی ءِ نوکیں دور ءِ بنداتی بیت۔آہاں کوریا ءِ سرمایہ کاراں را سی پیک منصوبگءَ چہ پیدا بوتگیں سرمایہ کاری ءِ موہ چہ پائدگ چست کنگ ءِ دعوت داتگ۔ کور یا ءِ پارلیمانی ڈل ءِ سروک مس چوبائی سوک ءَ کوریا ءَ گوں کمک ءَ را پراھی دیگ ءِ ھاترا سپیکر ءِ گپ ءَ را ساڑان ءَ گوشت کہ کوریا پاکستان ءَ گوں وتی نزیکی سنگتی ءَ را شرپ ءِ چماں چارگ انت۔آہاں دودیمی سیادی ءَ را پراھی دیگ ءِ ھاترا اُلسی تبک ءِ سرا رھوت ءَ را پراھی دیگ ءِ ھاترا سپیکر ءِ صلاح ءَ گوں تپاک کتگ۔