بنجاہی وزیر تعلیم ءُُ کسبی ہیلکاری شفقت محمود ءِ دیوان ءَ گوں تران ءُُ میڈیا ءَ گوں گپ ءُُ تران

لاہور۔22 جولائی(اے پی پی)بنجاہی وزیر تعلیم شفقت محمود ءَ گوشت کہ مزن وزیر عمران خان ءِ امریکا ءِ تروتاب چہ پاک امریکا سیادی ءِ تہ یک نوکیں دور ءِ بنداتی بیت۔مزن وزیر ءِ امریکا ءِ تروتاب ملک ءُُ راج ءِ وشھالی ءِ نیمگا یک ھاسیں گام انت۔دگنیا ءِ دراھیں ملکاں گوں شریں سیادی ءِ وھگدار اوں۔ امریکی صدر ڈونلڈٹرمپ ءِ گوما گند ءُُ نند ءِ پدا دوئیں ملک یک دومیگ ءِ نزیک ءَ کائینت۔مزن وزیر عمران خان ءَ سادگی ءُُ کفایت شعاری ءِ سبق نہ دات بلکہ آہاں پاکستانی سفیر ءِ گس ءِ تہ نندان ءَ عملی نمونہ ھم پیش کتگ۔دومی ملکانی ھوار امریکا ءَ گوں سیادی ءِ تہ گہتری پاکستان ءِ مفاد ءِ تہ انت۔مزن وزیر ءَ واشنگٹن ءِ راجدپتری مچی ءَ گوں گوشتانک داتگ۔ نومبر ءِ تہ علامہ اقبال بک فیئر برجمینگ ءِ سرا چار ءُُ بچار کنگ بیت۔آں دوشمبے ءَ اادا ایوان اقبال ءِ تہ پبلشرزءُُ بک سیلرز ءِ برجمیں دیوان چہ تران ءُُ میڈیا ءَ گوں گپ ءُُ تران کنگ ات۔آہاں گوشت کہ مزن وزیر امریکی تروتاب ءَ کمرشل فلائیٹ ءَ شتگ انت اے یک کفایت شعاری ءِ مثال انت۔آہاں گوشت کہ امریکہ ءِ چیف پروٹوکول ءَ مزن وزیر عمران خان ءِ وش اتک کتگ۔ڈن ملکانی سنگتی ءَ ھوار بوھگ انت،چین،روس، امریکہءَ پاکستان ءَ را شریداری ءِ دعوت داتگ۔سرکاری وڈءَ دعوت نامہ ءِ سرا امریکی صدر ڈونلڈ ٹرمپ ءَ مزن وزیر عمران خان ءَ را تروتاب ءِ دعوت داتگ۔