بنجاہی وزیر خالد مقبول صدیقی ءِ نیشنل ہائی ویز (بلوچستان) سرا براڈ بینڈ کوریج، دادو ءُُ حیدر آبادءِ تہ سوگو ءِ دیمروئی منصوبگانی ھاترا نیکسٹ جنریشن براڈبینڈ ءِ منصوبگانی بنداتی مراگش ءَ گوں تران

اسلام آباد۔ 22 جولائی (اے پی پی) بنجاہی وزیر انفارمیشن ٹیکنالوجی ءُُ ٹیلی کام خالد مقبول صدیقیءَ گوشت کہ شہراں ءُُ حلق ءَ یک وڈیں ٹیکنالوجی ءِ ابید دیمروئی ممکن نیست انت، ٹیکنالوجی چہ دگنیا ترندی ءَ گوں بدلی ءِ نیمگا روگ انت،مارءَ ٹیکنالوجی ءِ پڑءَ دیما جزگ بیت۔ وزارت انفارمیشن ٹیکنالوجی حلق ءَ براڈ بینڈ ءِ پھجارگ ءِ مشن ءِ تہ وتی کرد برجاہ دارایت، یو ایس ایف ءُُ ٹیلی نارءِ میان ءَ سندھ بلوچستان ءِ تہ براڈ بینڈ کوریج ءِ منصوبگءَ دیمروئی وش اتک انت۔اے ھیالانی درشان آہاں دوشمبے ءَ برجم بوتگیں یک مراگش ءِ تہ نیشنل ہائی ویز ءُُ موٹرویز (بلوچستان) ءِ سرا براڈبینڈ کوریج،دادو ءُُ حیدرآباد ءِ تہ سوگو ءِ دیمروئی منصوبگانی ھاترا نیکسٹ جنریشن براڈبینڈ ءِ منصوبگانی بنداتی کنان ءَ کتگ۔پدر بہ بیت کہ یونیورسل سروس فنڈ (یو ایس ایف) ءَ ٹیلی نار پاکستان ءِ گوما بلوچستان ءُُ سندھ ءِ تہ منصوبگانی ھاترا 1.328 بلین کلدار ءِ معاہدہ کتگ ات۔معاہدہ ءَ دست چنگل یونیورسل سروس فنڈ ءِ چیف ایگزیکٹو آفیسر رضوان مصطفیٰ میر ءُُ ٹیلی نار پاکستان ءِ سی ای او و ٹیلی نار ایمرجنگ ایشیا کلسٹر ءِ سروک عرفان وہاب خانءَ کتگ ات۔