اولی روچ ءَ چہ گوشگ ءَ آں کہ اوگانستان ءِ جیڈھ ءِ گیواری اچ رنگیں اُردی گیواری نہ انت ایشی ءِ پد ءَ آئی ءَ را تژن جنگ بوت

واشنگٹن۔ 22 جولائی (اے پی پی) وائٹ ہاؤس ءَ امریکہ صدر ڈونلڈ ٹرمپ ءِ گوما مرچی دو شمبے ءَ بوھوکیں گند ءُُ نند ءَ چہ واھندھے پیسر مزن وزیر عمران خان ءَ راج ءَ را دل یکیمی دات کہ آ آوانی کیس ءَ را امریکی صدر ءِ دیم ءَ ایر کنت ءُُ اچبر راج ءَ را شرمندگ نہ کنت۔ کیپیٹل ون ایرینا ءَ پاکستانی کمیونٹی ءِ یک ٹوھیں مچی ءَ گوں گشتانک دیان ءَ گوشت کہ من اولی روچ ءَ چہ گوشگ ءَ بوتگ آن کہ اوگانستان ءِ جیڈھ ءِ گیواری اُردی گیواری نہ انت ایشی ءِ پد ءَ آئی ءَ را تژن جنگ بوتگ بلے مرچی منا شمارا گوشان ءَ اے پگر اں ت کہ امریکی صدر ءُُ سرجمیں راج منگ ءَ انت کہ اوگانستان ءِ جیڈھ ءِ گیواری اُردی تک ءَ بوت نہ کنت۔ آئی ءَ گوشت کہ انشاء اللہ ڈونلڈ ٹرمپ ءِ دیم ءَ شمے کیس آناں پیش کناں ءُُ شمارا اچبر شرمندگ نہ کناں۔ مزن وزیر کہ صدر ڈونلڈ ٹرمپ ءِ داتگیں دعوت ءِ پد ءَ امریکہ ءِ تر ءُُ تاب ءَ واشنگٹن ءَ انت، امریکہ ءِ جتا جتائیں ریاست آ نی سفر کت ءُُ اتک، زھگ، ورنا ءُُ زالبول آں آرا وش اتک کت۔ پاکستانی کمیونٹی ءِ اے مردم وتی رھشون عمران خان ءِ لکا ءِ چارگ ءِ واستہ دورئیں در ءَ چہ سفر کنان ءَ کیپیٹل ون ایرینا ءَ پج ات۔ مزن وزیر عمران خان ءَ اسپیتیں پوشاک ءُُ سیاھیں واسکٹ ءِ گوارا اَت۔ شریکیں مردم آں مزن وزیر پجگ ءِ پد ءَ اوشتات اَنت ءُُ آئی ءَ را وش اتک کت ءُُ مزن وزیر ءَ دست برز کت ءُُ نھردگ آنی پسو دات۔