دگنیا اے دیم ءُُ آ دیم بہ بیت اچ کس ءَ را این آرو نہ دیان، مزن وزیر عمران خان

واشنگٹن۔ 22 جولائی (اے پی پی) مزن وزیر عمران کان ءَ کیپیٹل ون ایرینا ءِ مچی ءَ گوں گشتانک دیان ءَ کت پاکستان ءِ میرٹ ءِ سسٹم آرگی انت، جمہوریت ءِ کامیاتی ءِ سبب میرٹ ءِ سروکی ءُُ بادشاہت ءِ ناکامی ءِ سبب میرٹ ءِ بیگواھی ءُُ است مندیں مردم آنی پودگ ءِ سبب ءَ بیت۔ آئی ءَ گوشت کہ مئے کراّ میرٹ نہ بوھگ ءِ سبب ملک دگنیا ءِ ایندگر ملک آنی گوما دیم پہ دیمی ءَ پشت ءَ پشت کپت، پیسر ءَ ڈکٹیٹر آں نواز شریف ءَ چہ چست کت ءُُ پدا آئی ءِ برات شہباز شریف لیڈر ءِ جوڑ بوت، بلاول بھٹو ھم کاگد ءِ یک ٹکرے ءِ سر ءَ پارٹی ءِ سروک جوڑ بوتم ولی خان ءِ ھاندان وتی گل ءِ سروکی ءَ کنگ ءَ انت ءُُ مولانا فضل الرحمان ءِ برات ھم لیڈر جوڑ بوھگ ءَ چہ پشت کت۔ مزن وزیر ءَ گوشت کہ ما مرچی زوراک ءِ کیاسگری بندات کتگ گڈا درست یک مشت بوتگ آں۔ مولانا فضل الرحمن دینی زرداری سیکولر ءُُ مسلم لیگ (ن) آئی ءَ را وتی لیکہ ھم مالوم نہ انت، درست یکیں مول ءُُ مرادم ءِ ھاترا یک مشت بوتگ اَنت ءُُ آ مول ءُُ مراد این آر او انت۔ مزن وزیر ءَ گوشت کہ دگنیا اے دیم ءُُ آ دیم بہ بیت من این آر او نہ دیاں۔ آئی ءَ گوشت کہ مئے ملک دزئی ءُُ ڈنگی ءِ سبب ءَ پشت ءَ پشت کپت، کرپشن ءَ چہ پاک ءُُ سلہ ئیں پاکستان ءِ جوڑ کناں۔ آئی ءَ گوشت کہ بے نامی جائیداد آناں ضبط کنگ بندات کتگ ءُُ منی لانڈرنگ ءَ چہ روان دیوکیں پیسہ واپس آرگ ءِ واستہ جتا جتائیں ملک آں گوں گپ ءُُ تران بندات کتگ۔ مزن وزیر ءَ گوشت کہ پاکستان ءَ ھرچی کہ تاجر گوشگ ءَ انت کہ ایف بی آر ءَ چہ رجسٹر نہ باں، ملک ءِ بڈ ءَ چہ وام آنی بار ءِ دور کنگ ءِ واستہ آواناں رجسٹرڈ کنگ المی انت۔ پاکستان ءَ را معاشی تاوان ءَ چہ ڈن کشاں ءُُ وتی پاد آنی سر ءَ اوشتارین آں۔