واشنگٹن۔ 22 جولائی (اے پی پی) مزن وزیر عمران خان ءَ گوں میاں اوستمانی مالیاتی فنڈ (آئی ایم ایف) ءِ ادارکی منیجنگ ڈائریکٹر ڈیوڈ لیپٹن ءَ یک شمبے ءِ روچ ءَ واشنگٹن ءَ پاکستانی سفارتخانہ ءَ گند ءُُ نند کت۔ نیامی رودراتک ءُُ نیامی ایشیا ءِ ڈائریکٹر جیہاد آزور ءُُ فنڈ ءِ ایگزیکٹو ڈائریکٹر جعفر مجرد ءُُ منیجنگ ڈائریکٹر ءِ چیف آف سٹاف الفرید کمیر ھم آئی ءِ ھمبراھ ات۔ وزیر ءِ درئی کار شاہ محمود قریشی، مشیر ءِ ھزانگ ڈاکٹر عبدالحفیظ شیخ، مشیر تجارت عبدالرزاق داؤد، سیکرٹری درئی کار سہیل محمود ءُُ واشنگٹن ءَ پاکستانی سفیر اسد مجید ءَ مزن وزیر ءِ کمک کت۔ گند ءُُ نند ءِ ساھت ءَ مزن وزیر ءَ استیں گیش بوھوکیں فنڈ آنی آسراتی (ای ایف ایف) ءِ منظوری ءِ پد ءَ آئی ایم ایف ءِ بورڈ آف ڈائریکٹر ءِ شگر ءُُ منت گپت۔ مزن وزیر ءَ نشان دات کہ آئی ایم ایف پروگرام ءِ چیر دستی ءَ جوانیں اقتصادی برجائی ءُُ اقتصادی نمبگ ءِ برجائی ءَ کمکار سہرا بیت۔ مزن وزیر ءَ جوانیں ءُُ دراج بُریں گروتھ ءِ واستہ میکرواکانومک ءُُ کوکا ءِ چیلنجز آنی گیواری ءِ واستہ لوٹ بوتگیں توامیں رنگ ءِ المی ایں گامگیج چست کنگ ءِ واستہ وتی حکومت ءِ جزم ءِ درشان کت۔ مزن وزیر ءَ اے گپ ءِ سر ءَ زور پر دات کہ آئی ءِ حکومت ءَ چاگرد ءِ لگت مال بوتگیں تبک ءِ مردم آنی بنداتی جیڈھ آناں کم کنگ ءِ واستہ پکوئیں جزم ءَ دار ایت ایشی ءِ واستہ حکومت ءَ چاگردی شوبگ ءُُ چاگردی رکھینگ ءِ گامگیج ءَ ھوار ”احساس پروگرام“ ءِ واستہ گیشینتگیں فنڈ آناں گیش کتگ۔ ڈیوڈ لیپٹن ءَ معیشت ءَ را برجم کنگ ءِ واستہ حکومت ءِ نیمگ ءَ چہ جتگیں گامگیج آناں من اِتگ۔ آئی ءَ تپاک کتگیں مالیاتی، مالی، ایکسچینج ریٹ ءُُ کوکا ءِ الکاپ کنگ ءِ ارزشت ءِ سر ءَ زور دات تانکہ آئی ایم ایف ءِ پروگرام ءَ چہ گیشاں چہ گیش سیت زوگ بہ بیت۔ منیجنگ ڈائریکٹر ءَ مزن وزیر عمران خان ءَ را پاکستان ءَ جوانی ءَ گوں کار کنگ ءِ واستہ کمک آناں جاڑی دارگ ءِ سر ءَ دل یکیمی دات۔
