واشنگٹن۔ 22 جولائی (اے پی پی) مزن وزیر عمران خان ءَ یک شمبے ءِ روچ ءَ واشنگٹن ءَ ورلڈ بینک ءِ صدر ڈیوڈملپاس ءَ پاکستانی سفارتخانہ ءَ گوں گند ءُُُ نند کت۔ وزیر ءِ درئی کار شاہ محمود قریشی، مشیر ءِ ھزانگ ڈاکٹر عبدالحفیظ شیخ، مشیر تجارت عبدالرزاق داؤد، سیکرٹری درئی کار سہیل محمود ءُُ پاکستانی سفیر اسد مجید ءَ مزن وزیر ءِ کمک کت۔ مزن وزیر ءَ ورلڈ بینک ءِ صدر ءِ ارزشتی ایں زمہ واری پیلو کنگ ءِ پد ءَ ڈیوڈ ملپاس ءَ مبارکی دات۔ مزن وزیر ءَ بازیں وھد ءَ چہ پاکستان ءِ معیشت ءِ جتا جتائیں شوبگ آنی تہ ءَ ورلڈ بینک ءِ گیشاں چہ گیش کمک ءَ را ساڑات۔ ڈیوڈملپاس ءَ مزن وزیر ءِ دیمروئی ایجنڈا ءِ توسپ کت ءُُ گوشت کہ ورلڈ بینک ءِ منصوبگ آنی ٹوھیں کساس ءِ گوما پاکستان پڑے ارزشتی ایں ملک ات۔ آئی ءَ امیت سہرا کت کہ پاکستان ءِ آئی ایم ایف ءِ نوکیں پروگرام ءَ داخل بوھگ ءَ چہ مائیکرو امانومک برجائی ءُُ پاکستان ءَ در ملکی سرمایہ کار آنی دل یکیمی ءَ را برجا کنگ ءَ کمک رسیت۔ آئی ءَ ورنا آنی کزبی ھیل کاری آنی تہ ءَ گیشی ءُُ ایشاناں مارکیٹ ءِ لوٹ ءِ رد ءَ روزگار ءِ واستہ تیار کنگ ءَ ھوار حکومت ءِ گہبودی رکھینگ ءِ پروگرام آنی ھم توسیپ کت۔ ڈیوڈملپاس ءَ مزن وزیر عمران خان ءَ ر ادل یکیمی دات کہ ورلڈ بینک آئی ءِ اقتصادی دیمروئی ءِ ویژن ءِ سر ءَ کار کنگ ءَ زوتاں زوت کمک ءِ پجاری ءَ تیار انت۔
