واشنگٹن۔ 22 جولائی (اے پی پی) مزن وزیر عمران خان ءَ گوشت کہ امریکہ ءَ نندوکیں پاکستانی سرمایہ کار آنی واستہ پاکستان ءَ سرمایہ کاری ءِ دراج بُریں موہ است، پاکستان جیوگرافیکلی رنگ ءَ بے دروریں ازم ءِ رد ءَ جتائیں ملک ات ادا سرمایہ کاری ءَ چہ سیت چست کنگی انت، چین پاکستان ءَ سٹریٹجک شریکدار پھم ایت ایش پاکستان ءِ واستہ ٹوھیں موہ ات، سرمایہ کار آنی آسراتی ءُُ صنعت کاری، کشت ءُُ کشاری ءُُ کاروبار ءَ را آسان جوڑ کنگ ءِ واستہ جوانیں جاور ھال پجارینگ ءَ آں، پاکستان دیمروئی کنت گڈا لڈ ءُُ بارک کنوک آناں سیت رسیت، سرمایہ کار آنی آسراتی ءِ واستہ مزن وزیر سیکرٹریٹ ءَ ون ونڈو آپریشن بندات کناں، دو ملکی پجار کاٹ ءِ زوروکیں پاکستانی آناں ووٹ ءِ ھک ءِ دیگ ءَ ھوار گچین کاری ءِ تہ ءَ بھر زوری ءِ ھوالگ ءَ کانود جوڑ کاں۔ اے ھیالانی درشانی مزن وزیر ءَ واشنگٹن ءَ سرمایہ کاری کانفرنس ءَ گوں گشتانک دیان ءَ کت۔ سرمایہ کاری ءَ امریکہ ءِ جتا جتائیں ریاست آں گوں سیادی داروکیں لڈ ءُُ با ر کنوکیں امریکہ ءَ نندوکیں پاکستانی ءُُ امریکی سرمایہ کار ءُُ کاروباری برات آنی ٹوھیں کساسے ءَ بھر زوری کت۔ وزیر ءِ درئی کار شاہ محمود قریشی ءَ ھم سرمایہ کاری کانفرنس ءَ گوں گشتانک دات۔ مزن وزیر ءَ اے موہ ءِ سر ءَ گوشت کہ چین پاکستان ءِ جوانیں دوست ات آ پاکستان ءَ را وتی اسٹریٹجک شریکدار پھم ایت۔ آئی ءَ گوشت کہ چین ءِ صدر شی جن پنگ دور چاریں سیاستدان ات آئی ءِ نگاہ سرجمیں دگنیا ءِ سر ءَ انت۔ سی پیک ءِ وسیلگ ءَ سرمایہ کار آناں سیت چست کنگ ءِ ضلورت انت۔ رودراتکی لینڈ لاک ملک ھم گوادر ءِ ارزشت ءَ پھم انت۔ مزن وزیر ءَ گوشت کہ گوستگیں زمانگ ءَ ٹیکنالوجی ءُُ کشت ءُُ کشاری ءَ چہ سرمایہ کاری نہ کتگ بلکینگ ءَ چین ءِ گوما یک ایم او یو ءِ یے سر ءَ دست چنگل ءِ جتگ ایشی ءِ وسیلگ ءَ چین ٹیکنالوجی ءِ مٹی ءِ گوما پاکستان ءَ شیر ءُُ ماھیگ ءِ پیداوار ءِ تہ ءَ گیشی ءِ واستہ کمک کنت انت۔ آئی ءَ گوشت کہ پاکستان ءَ کسال 6لیٹر شیر ءِ پیداوار بیت وھدیکہ دگنیا ءَ 20ءَ بگر چہ 24لیٹر شیر ءِ پیداوار کنگ بیت۔ مزن وزیر ءَ گوشت کہ نوکیں پاکستان ءِ وزیر عبدالرزاق داؤد گہتریں صنعت کار ءُُ ڈاکٹر عبدالحفیظ شیخ معاشیات ءِ بلدکار انت۔ ایشانی کمک ءَ چہ ما ویلتھ کیایشن ءُُ کشت ءُُ کشاری ءَ را دیمروئی ءِ نیمگ ءَ جنزگ ءَ انت ایشاں چہ زوت کٹ رسیت۔ مزن وزیر ءَ گوشت کہ ملک ءَ چہ لڈ ءُُ بار کنوکیں سرمایہ کار آنی گوما مئے امیت بندوک اَنت چیا کہ پاکستان ھمینکیاس دیمروئی کنگ آواناں ھمینچو سیت رسیت۔ مزن وزیر ءَ اسلاموفوبیا ءِ ھوالگ ءَ گوشت کہ اے جیڈھ ءِ سبب ءَ دگنیا ءَ بازیں مسلمانیں ھاندان مشکل آنی آماچ انت ایشی ءَ چہ ڈکھ ءُُ گمیگ آں۔ مزن وزیر ءَ گوشت کہ چین ءَ ابید گتر، متحدہ عرب امارات، سعودی عرب، جاپان ءُُ ایندگر بازیں ملک پاکستان ءَ سرمایہ کنگ لوٹاں۔ مزن وزیر سیکرٹریٹ ءَ سرمایہ کار آنی آسراتی ءِ واستہ ون ونڈو آپریشن بندات کنگ ءَ آں۔ دو ملکی پجار کاٹ ءِ داروکیں مردم آنی واستہ ھم گامگیج چست کنگ ءَ آں تانکہ آواناں ووٹ دیگ ءِ ھک بہ رس ایت الیکشن ءَ بھر زورگ ءِ ھم ھک بہ رس ایت۔
