نواز شریف ءُُ آصف زرداری ءِ جیل ءَ چہ ٹیلی ویژن ءُُ ائیر کنڈیشنر ءِ آسراتی واپس زورگ ءِ پیسلہ کتگ، مزن وزیر عمران خان

واشنگٹن۔ 22 جولائی (اے پی پی) مزن وزیر عمران خان ءَ گوشت کہ نواز شریف ءُُ آصف زرداری ءِ جیل ءَ چہ ٹیلی ویژن ءُُ ائیر کنڈیشنر ءِ آسراتی ءَ را واپس زورگ ءِ پیسلہ کتگ۔ کیپیٹل ون یرینا ءَ پاکستانی کمیونٹی ءَ گوں تران کنان ءَ آئی ءَ گوشت نواز شریف گوشیت کہ جیل ءِ ورگ شر نہ انت منی چہ لوگ ءَ ورگ بیار ات، پدا آئی ءَ ٹی وی ءُُ ائیر کنڈیشن ءِ آسراتی ءِ لوٹ کت۔ مزن وزیر ءَ گوشت کہ 80درسد پاکستانی آناں ائیر کنڈیشن ءِ آسراتی نہ رس ایت وھدیکہ کم چہ کم 60درسد مردم آنی کراّ ٹی وی ھم نیست۔ آئی ءَ گوشت کہ اے کجام جیل ءِ سزا انت کہ آ اے رنگ ءَ بہ بنت۔ آئی ءَ گوشت کہ آ پاکستان ءَ واپس ءَ روت ءُُ آ جیل ءَ چہ اے آسراتی آنی پجارینگ ءِ حکم ءَ واپس زور ایت۔ من زاناں کہ مریم بی بی سک باز کوکار کنت۔ بلے نواز شریف ءُُ زاداری ھمے رنگ ءَ جیل ءَ چہ ڈن ءَ در کپت کن اَنت آ راج ءِ دز اتگیں زرّاں واپس بکن اَنت۔ آئی ءَ گوشت کہ ھرچ وھد آصف زاداری جیل ءَ روچ آ بیماری ءِ بھانہ ءَ کنت ءُُ ہسپتال ءَ روت ءُُ آ گیشتریں وھد ہسپتال ءَ گوازین ایت، آصف علی زرداری تئی ھم ٹی وی ءُُ ائیر کنڈیشنر ءَ جیل ءِ کوٹی ءَ چہ در کناں۔