آیوکیں ورلڈ کپ ءَ بلدکاریں گوازی کنوکیں ٹیمب ءِ میدان ءَ کار آں، مزن وزیر عمران خان

واشنگٹن۔ 21 جولائی (اے پی پی) مزن وزیر عمران خان ءَ گوشت کہ لیب ءُُ گوازی ءِ پڑ ھاسیں رنگ ءَ کرکٹ ءَ گوناپ کشی کنگ بیت ءُُ آیوکیں ورلڈ کپ ءَ بلدکاریں گوازیں کنوکیں ٹیمب ءِ میدان ءَ آرگ بیت۔ کیپیٹل ون ایرینا ءِ مزنیں مچی ءَ گوں مزن وزیر پاکستانی کمیونٹی ءَ گوں گشتانک دیان ءَ کت آئی ءَ دل یکیمی دات کہ استیں ورلڈ کپ ءَ چہ پد پیسلہ کتگ کہ کرکٹ ءَ گہتر کناں۔ آئی ءَ گوشت کہ من زاناں کہ سک باز دلرنجی بوتگ بلے منی گال آں یات بکن ات کہ انشاء اللہ آیوکیں ورلڈ کپ ءَ ما ٹیمب ءَ را گہتر کناں۔ مز ن وزیر ءَ مزن تک ءِ ڈل ءِ ھمبراھی ءَ سئے روچی سرکاری تر ءُُ تاب ءَ واشنگٹن ءَ ڈی سی ءَ انت ءُُ امریکہ صدر ڈونلڈ ٹرمب ءِ دعوت ءِ پد ءَ تر ءُُ تاب ءَ کنگ ءَ انت۔ مزن وزیر 1992ءِ ورلڈ کپ ءِ باج برئی ءِ ساھت ءَ ٹیمب ءِ کپتان اَت، آئی ءَ گوشت کہ ما وتی ملک ءَ را رھبند آنی سر ءَ کنگی انت۔ اللہ تعالیٰ ءَ مئے راج ءَ را ٹیلنٹ داتگ آ ھر کجا شتگ اَنت آواں محنت ءُُ کوشست ءِ سر ءَ وت ءَ را دیمروئی داتگ۔ آئی ءَ گوشت کہ انگلینڈ ءَ کرکٹ سِک اتگ ءُُ پاکستانی لیبی آناں وتی کد ءُُ بالاد ءَ را گہتر کنگ ءِ واستہ سکھارینگی انت۔ مزن وزیر ءَ گوشت کہ پاکستان ءَ کرکٹ ءِ دگنیا ءَ درستاں چہی گیش ٹیلنٹ است ءُُ ما را اے ٹیلنٹ ءَ را سہرا کنگی انت۔ آئی ءَ آسٹریلین کرکٹ ءِ ادارگ ءِ توسیپ کت ایشی ءَ سرجمیں ملک ءَ چہ ٹیلنٹڈ لیب ءُُ گوازی گچین کتگ انت۔