واشنگٹن ۔ 22 جولائی (اے پی پی) مزن وزیر عمران خان ءَ گوں وردن ءُُ وراک ءُُ جان سلامتی ءِ شوبگ ءِ ھوالگ ءَ سرمایہ کار آنی گروپ ءِ پاکستانی سفارتخانہ ءَ گند ءُُ نند کت ۔ گند ءُُ نند کنوک آنی تہ ءَ ڈل ءَ اسلم خان، ٹیکساس ءَ چہ مبشر چوہدری، ڈاکٹر عابد شیخ ءُُ ڈاکٹر مبشر چوہدری ھوار اتنت ۔ وزیر ءِ درئی کار شاہ محمود قریشی …
مزن وزیر عمران خان ءَ گوں وردن ءُُ واراک ءُُ جان سلامتی ءِ شوبگ ءِ ھوالگ ءَ سرمایہ کارآنی گروپ ءِ پاکستانی سفارتخانہ ءَ گند ءُُ نند
گیشتریں ھال
واشنگٹن ۔ 22 جولائی (اے پی پی) مزن وزیر عمران خان ءَ گوں وردن ءُُ وراک ءُُ جان سلامتی ءِ شوبگ ءِ ھوالگ ءَ سرمایہ کار آنی گروپ ءِ پاکستانی سفارتخانہ ءَ گند ءُُ نند کت ۔ گند ءُُ نند کنوک آنی تہ ءَ ڈل ءَ اسلم خان، ٹیکساس ءَ چہ مبشر چوہدری، ڈاکٹر عابد شیخ ءُُ ڈاکٹر مبشر چوہدری ھوار اتنت ۔ وزیر ءِ درئی کار شاہ محمود قریشی زرّئی کار وزیر ءِ سید علی حیدر زیدی، تجارت ءِ واستہ مزن وزیر ءِ مشیر عبدالرزاق داءود، مزن وزیر ءِ مشیر برائے ھزانگ ڈاکٹر عبدالحفیظ شیخ، زرّ ءَ چہ آ دیم پاکستانی آنی واستہ مزن وزیر ءِ ھاسیں کمکار ذوالفقار عباس بخاری ھم گند ءُُ نند ءَ ساڑی ات ۔ سرمایہ کار آں پاکستان ءَ وردن ءُُ وراک ءُُ جان سلامتی ءِ شوبگ ءَ گہتری ءُُ آسراتی ءِ پجاری ءِ واستہ وتی شور ءُُ سلاھ دات اَنت ۔ گند ءُُ نند ءِ تہ ءَ اے بابت ءَ ھیال ریچی کنگ بوت امریکہ ءَ نندوکیں پاکستان ءَ چہ لڈ ءُُ بار کنوکیں فزیشنز ، پاکستان ءَ نندوکیں مرد آنی چتور کمک ءَ کت کن اَنت ۔ مزن وزیر عمران خان ءَ جان سلامتی ءِ شوبگ ءَ پیش کتگیں شور ءُُ مشور آناں وش اتک کنان ءَ حکومت ءِ نیمگ ء َ پاکستان ءَ معاشی ءُُ کاروباری موہ آناں گیش ودینگ ءُُ در ملکی سرمایہ کارآناں گہتریں جاور پجاری ءِ واستہ کوشست آناں ھم سہرا کت ۔ مزن وزیر ءَ پاکستان چہ لڈ ءُُ بار کنوکیں فزیشنز آنی کرد ءُُ پاکستان ءِ چاگردی ءُُ اقتصادی دیمروئی ءِ واستہ آئی ءِ جزم آرا ساڑات ۔
