مزن وزیر عمران خان ءَ گوں آئی ٹی ءِ شوبگ ءَ گوں سیادی داروکیں کلانہ ایں مردم آنی ڈل ’’آل اسٹار گروپ‘‘ ءِ واشنگٹن ءَ پاکستانی سفارتخانہ ءَ گند ءُُ نند

واشنگٹن ۔ 22 جولائی (اے پی پی) مزن وزیر عمران خان ءَ گوں آئی ٹی ءِ شوبگ ءَ گوں سیادی داروکیں کلانہ ایں مردم آنی ڈل ’’آل سٹار گروپ‘‘ ءَ واشنگٹن ءَ پاکستانی سفارتخانہ ءَ گند ءُُ نند کت ۔ گروپ ءَ انعام الحق خان، حشمت ملک، حسن احمد، دلاور سید، الریحان جلیل، سلمان اختر ءُُ منصور خان ھوار اتنت ۔ گروپ ءَ مزن وزیر ءَ گوں اکیڈمک انسٹیٹیوشن، پٹ ءُُ پولکاری ءُُ دیمروئی، ٹیکنالوجی ءِ شوبگ ءَ جوانیں ادارگ آنی دیمروئی، آئی ٹی ءِ شوبگ ءَ آئی ٹی ءِ ٹیکنیشنز ءُُ انجینئرز ءُُ کزبی ھیل کاری ءِ ھوالگ ھیال ریچی کت ۔ مزن وزیر ءَ گروپ ءَ را گوشت کہ آئی ٹی ءِ دیمروئی استیں حکومت ءِ اولی ترجی آنی تہ ءَ ھوار انت ۔ آئی ءَ گوشت کہ ورنا آنی واستہ اے شوبگ ءَ روزگار ءِ بے کساس موہ است انت ۔ آئی ءَ آئی ٹی ءِ شوبگ ءَ دیمروئی ءِ واستہ حکومتی ادارگ آنی نیمگ ءَ چہ گیشاں گیش کمک پجارینگ ءِ دل یکیمی دات ۔