اسلام آباد۔ 21جولائی (اے پی پی) اسپیکر قومی اسمبلی اسد قیصر ءُُ ڈپٹی اسپیکر قاسم خان سوری ءَ فاٹا ءِ تہ سوبمندیں گچینکاری برجمدارگ ءِ سرا فاٹا ءِ مہلوک ءُُ سیکیورٹی ادارگہاں را مراد باتی داتگ۔اے موہ ءِ سرا سپیکر بنجاہی اسمبلی ءَ گوشت کہ فاٹا ءِ تہ صوبائی اسمبلی خیبرپختونخوا ءِ ھاترا پرامنیں گچینکاری ءِ برجمداری جمہوریت ءِ باج انت،فاٹا ءِ تہ پرامن گچینکاری ءِ برجمداری قبائلی مہلوک ءِ جمہوریت ءُُ امن پسندیءَ گوں جہلانکیں سیادی انت۔فاٹا ءُُ قبائلی دمگانی مہلوک ءَ ناشرکاری ءِ ھلاپ ءَ جنگ ءِ تہ درستاں چہ گیش قربانی داتگ ات۔آہاں گوشت کہ قبائلی دمگاں ءَ را ناشرکاری چہ پاک کنگ ءِ ھاترا سیکیورٹی فورسانی ورناہاں بے مثال قربانی داتگ ات۔قبائلی دمگاں پرامن گچینکاری ءِ برجمداری ہمے قربانیانی آسرانت۔ قبائلی دمگانی تہ گچینکاری ءِ سوبمندءِ برجمداری ءِ سبب ءَ فاٹا ءِ مہلوک ءِ محرومیانی ھلاسی بیت۔ اسد قیصرءَ گوشت کہ استیں حکومت ءَ فاٹا ءِ مہلوک ءَ را آہانی حق دیگ ءِ ھاترا سرجمیں کرد ادا کتگ،مزن وزیرءِ وژن ءِ ردا فاٹا ءِ جوڈ ءُُ دیمروئی ءِ ھاترا ترجیحی بنیاتاں ھاسیں گام چست کنگ بنت۔
