واشنگٹن۔ 21 جولائی (اے پی پی)مزن وزیر عمران خان امریکی صدر ڈونلڈ ٹرمپ ءِ دعوت ءِ سرا امریکا ءَ سر بوتگ ات۔گوستگیں پنچ سال ءِ تہ کجام مزن وزیر ءِ واشنگٹن ءِ اے اولی تروتاب انت،تروتاب ءِ تہ مزن وزیر عمران خان امریکی ایوان نماھندگان ءِ سپیکر ءِ ھوار کانود ساچاں ءُُ سینیٹ ءِ ڈنی معاملہانی کمیٹی ءِ باسکاں گوں گند ءُُ نند ھم کن انت۔ایشانی تہ دمگی ءُُ دودیمی …
مزن وزیر عمران خان امریکی صدر ڈونلڈ ٹرمپ ءِ دعوت ءِ سرا امریکا ءَ سر بوتگ ات
گیشتریں ھال
واشنگٹن۔ 21 جولائی (اے پی پی)مزن وزیر عمران خان امریکی صدر ڈونلڈ ٹرمپ ءِ دعوت ءِ سرا امریکا ءَ سر بوتگ ات۔گوستگیں پنچ سال ءِ تہ کجام مزن وزیر ءِ واشنگٹن ءِ اے اولی تروتاب انت،تروتاب ءِ تہ مزن وزیر عمران خان امریکی ایوان نماھندگان ءِ سپیکر ءِ ھوار کانود ساچاں ءُُ سینیٹ ءِ ڈنی معاملہانی کمیٹی ءِ باسکاں گوں گند ءُُ نند ھم کن انت۔ایشانی تہ دمگی ءُُ دودیمی معاملہانی سرا ھیال ریچی کنگ بیت۔مزن وزیر ءِ اے تروتاب لہتیں اعتبار ءَ چہ باز ارزشت دار انت۔مزن وزیر تروتاب ءِ ساعت ءَ پرامن ہمساھگی،جنوبی ایشیا ءِ تہ امن ءُُ ایمنی ءِ دراجی ءِ سرا ھم گپ ءُُ تران کن انت۔مزن وزیر 22جولائی ءَ امریکی صدر ڈونلڈ ٹرمپ ءَ گوں گند ءُُ نند کن انت۔مزن وزیری ءِ سوگند چست کنگ ءِ پدا مزن وزیر ءِ اے امریکا ءِ اولی تروتاب انت۔مزن وزیر اوگانستان ءِ تہ امن ءُُ گہبودی ءِ ھاترا پاکستان ءِ جزم ءِ سرا گپ جن انت، پاک امریکا کثیرالجہت کمک ءُُ دودیمی سیادی ءِ سرا ھم گپ ءُُ تران بیت۔ واشنگٹن ءِ تہ پاکستانی کمیونٹی ءَ گوں گند ءُُ نند ءَ نوکیں پاکستان ءِ وژن ءِ سرا روژنی مان کن انت۔ایشی ءِ ابید مزن وزیر کانگریس باسکاں، کارپویٹ سروکاں ءُُ نامداریں مردماں گوں گند ءُُ نند ھم کن انت۔دری معاملہانی کارگس ءِ ربالکارءِ گوشگ ءِ ردا تروتاب چہ وت مہ وتی مفاد ءَ ھوار شراکت داری گیش مھکم بیت۔مزن وزیر ءِ امریکا ءِ تروتاب وت مہ وتی سیادی ءَ را نوکیں وڈ ءَ جوڈ کنگ ءَ کمک رسیت۔
