امریکاءِ تہ پاکستانی کمیونٹی ءِ نیمگا چہ مزن وزیر عمران خان ءِ امریکا ءِ سرکاری تروتاب سرا واشنگٹن ڈی سی ءَ سر بوھگ ءِ سرا پُرشانیں وشاتکی

واشنگٹن۔ 21 جولائی (اے پی پی)مزن وزیر عمران خان ءِ امریکاءِ سرکاری تروتاب ءِ سرا واشنگٹن ڈی سی ءَ سر بوھگ ءِ سرا پاکستانی کمیونٹی ءَ پُرشانیں وش اتک کتگ۔واشنگٹن ءِ شہری دمگاں ءُُ امریکا ءِ دگہ استان چہ اتکگیں پاکستانیانی مزنیں کساس ءَ پاکستان ہاوس ءِ نزیک ءَ میساچوسٹس ایونیوءِ سرا لین ءَ اوشتاتگ مزن وزیر ءَ را وش اتک کتگ۔اے موہ ءِ سرا پاکستان تحریک انصاف ءِ ورجینیا ءَ گوں سیادی داروکیں راھشون جونی بشیرءَ گوشت کہ مہ وتی ہردل عزیز راھشون ءَ را ادا دیست باز وش بوتگ اوں۔ پاکستانی نژاد امریکی ادا آہاں گوں مہر ءُُ محبت ءِ درشان ءِ ھاترا پج بوتگ ات۔اے وش اتک کنوکیں مردماں پاکستان ءُُ پاکستان تحریک انصاف ءِ بیرک چست کتگ ات۔یک دگہ شہری عمران بٹ ءَ گوشت کہ من ءَ باز وشی انت کہ مزن وزیر عمران خان ادا اتکگ ات منءَ یقین انت کہ آں دوئیں ملکانی میان ءَ دراجی ءَ را کم کنگ ءَ کامیاب بنت ءُُ دوئیں ملکانی میانءَ سوگو ءِ دوستی ءِ سیادی بنت۔اے موہ ءَ وش اتک پہ اتکگیں پاکستانیاں پاکستان زندگ بات ءِ اوگام جتگ ات ءُُ ربیدگی جھمر ھم کتگ۔ ڈیلاس ایئرپورٹ چہ واشنگٹن ڈی سی ءِ تاں 100کارانی روانک مزن وزیر ءَ گوں ھواری ءَ در کشگ بوتگ ایشی ءِ مکسد پاکستانءِ دیمروئی ءِ جزم ءِ ھاترا مزن وزیر ءَ را ساڑ انگ انت۔امیت انت کہ کیپیٹل ایریناءِ تہ برجم بیوکیں مچی ءِ تہ مزن وزیر عمران خان ءَ را اشکنگ ءِ ھاترا ہزاراں مردم ساڑی بنت۔22جولائی ءَ مزن وزیر عمران خان امریکی صدر ڈونلڈ ٹرمپ ءَ گوں گند ءُُ نند کن انت۔یک امریکی اگدھ دارءَ سرپد کتگ کہ وائٹ ہاوس ءِ نیمگا چہ پاکستانی مزن وزیر ءَ را دعوت ءِ مکسد واشنگٹن ءِ امریکا پاکستانءِ سیادی ءِ بحالی ءِ سرا رضامندی ءِ درشان انت ءُُ اگہ پاکستان ناشرکاری ءِ ھلاپ ءَ کمک ءَ برجاہ دارگ انت تو دوئیں ملکانی میان ءَ شراکت داری ءِ نوکیں وڈ ءَ جوڈ کنگ بیت۔ پاکستانی ڈلے تہ چیف آف آرمی سٹاف قمر جاوید باجوہ ءُُ آئی ایس آئی ءِ چیف ھم ساڑی انت۔ امریکی صدر ٹرمپ ءُُ مزن وزیر عمران خان ءِ میان ءَ اے اولی بالمشافہ گند ءُُ نند انت،ہمہ کہ امریکا ءِ اوگانستان ءِ جیڈھ ءِ سیاسی حل ءِ ھاترا کوشست آنی تہ پاکستانی کمک ءِ پدا بوھگ انت۔ امریکی صدرٹرمپ اوول آفس ءِ تہ گپ ءُُ تران ءِ ھاترا پاکستانی لیڈر ءِ پُرجوش وش اتک کن انت وھدیکہ ٹوھیں پینٹاگوں لیڈرواں گوں ءُُُ کابینہ باسکاں گوں ھوار یک ورکنگ نیم روچ ءِ نان ھم دیگ بیت۔