ڈیرہ، کوئلہ سیداں چیک پوسٹ سرا تیرکاری، ڈی ایچ او ءِ گیٹ ءِ سرا تراک، 8مردم شہید 25ٹپی

ڈیرہ اسماعیل خان۔ 21 جولائی (اے پی پی)ڈیرہ اسماعیل خان ءِ تہ یک دگہ ناشرکاری واکیہ، کوئلہ سیداں چیک پوسٹءِ سرا ساڑی دوپولیس کارندہانی ٹارگٹ کلنگ ءِ پدا ڈسٹرکٹ ہیڈ کواٹر ہسپتال ءِ ٹراما سنٹر ءِ گیٹ ءِ دیما وت کش ءِ تراک ءِ تہ 4پولیس کارندہانی ھوار 8مردم شہید،25ٹپی،شہیدانی کچ ءُُ کساس ءَ ودکی ءِ گمان انت،ٹپی ءَ را علاج ءِ ھاترا ڈی ایچ او ءُُ سی ایم ایچ ڈیرہ ءِ تہ جاڑی انت وھدیکہ تکانسری جاورھال ءِ سبب ءَ ہیلی کاپٹر ءِ وسیلگ ءَ پشاور ءَ دیم دیگ بوتگ۔وت کش تراک مبینہ وڈ ءَ یک برقعہ پوش 16سالی جنک ءَ کتگ۔سرجمیں ھالانی ردا گوستیں روچ سہب ءِ ساعت ءَ ڈیرہ درابن روڈ سرا واقع کوٹلہ سیداں پولیس چیک پوسٹ سراموٹرسائیکل ءَ سوار ناشناسیں مردم ءَ اُرش کنان ءَ کوریں تیرکاری بناء کتگ ایشی آسرءَ اودا ساڑی پولیس کارندھ محمد جہانگیر ءُُ انعام اللہ ءَ را شہید کتگ ءُُ موہ چہ جستگ ات۔حال رسگ ءَ ریسکیو ٹیمب ءَ موہ ءَ سر بوان ءَ دوئیں جون ڈسٹرکٹ نادراہ جاھ ءِ ٹراما سینٹر ءَ دیم داتگ ات۔16سالءِ یک برقعہ پوش زالبولے ءَ وت کش تراک کتگ۔ڈی پی اوڈیرہ سلیم ریاضءِ گوشگ ءِ ردا وت کش تراک ءِ آسرءَ اودا سیکیورٹی ڈیوٹی ءَ اوشتاتگ ءِ کارندہ خلیل ءُُ ہدایت اللہءِ ابید دھ سالی جنک مریم بی بی،محمد عرفان،محمد دین ءُُ ضمیر ءِ ھوار چار شہری شہید بوتگ ات وھدیکہ شش پولیس کارندہ کاشف،عابد،فضل رحیم،نصیب،انور اقبال ءُُ انعامءِ ابید لس شہری ریحان،آصف،ایوب،اختر،اعجاز،عالم شیر،سہیل،ثناء اللہ،عادل،حمزہ،محمد کلیم،زین العابدین،محمد نعیم،عظیم،عثمان،سلیمان،محمد بشیر چوکیدارٹراماسنٹر ءُُ بابو معراج ءِ ھوار25مردم ٹپی بوتگ ات۔تراک ءِ پدا پولیس ءِ مزنیں کچ موہ ءَ سر بوتگ ءُُ ٹراما سینٹر ءَ چپ ءُُ چاگرد کتگ۔ڈی پی اوڈیرہ سلیم ریاض ٹارگٹ کلنگءِ واکیہ ءِ پدا ٹراماسینٹر ءَ سربوتگ ات ءُُ اودا چہ روان بوھگ ءِ لہتیں منٹ ءِ پدا تراکناکیں تراک بوتگ۔ پولیس ءُُ بم ڈسپوزل اسکواڈءِ کارندہ ءَ وئیل جاھ چہ زالبول بمبار ءِ سرگ ءُُ دگہ عضوا پج کنان ءَ دست کتگ ات۔زالبول بمبار ءِ پجار ءِ ھاترا ایشی ءِ جون ءِ عضوا فرانزک لیبارٹری ءَ دیم داتگ ات۔ٹارگٹ کلنگ ءُُ وت کش تراک ءِ پدا ڈیرہ شہر ءِ تہ سیکیورٹی ترند کنگ بوتگ۔پولیس شہدا ء ءِ جنازگ نماز پولیس لین ڈیرہ ءِ تہ سرجمیں سرکاری شرپ ءَ گوں ادا کنگ بوتگ ایشی ءِ تہ پاک فوج ءِ مزن تکءِ سول انتظامیہ ءِ افسراں ءُُ ورناہاں مزنیں کچ ءَ بھرزوراتگ۔