اسلام آباد۔ 20 جولائی (اے پی پی) صدر مملکت ڈاکٹر عارف علوی ءَ گوشت کہ ملک ءِ تہ امن ءُُ ایمنی ءِ جاورھال گہتر بوھگ چہ ڈن ملک چہ زرکاری ھم گیش بوھگ انت،متبادل توانائی وھد ءِ ضلورت انت۔ایشی چہ گیش بوتگیں توانائی ءِ لوٹ ءَ را پورا کنگ ءُُ ماحولیاتی آلودگی ءِ سرا گرودار آرگ بیت۔اے ھیالانی درشان آہاں ھپتگ ءَ گورنر ہاوس کراچی ءِ تہ شمسی توانائی ءِ ھوالہ چہ برجمیں یک مراگش ءَ گوں تران کنان ءَ کتگ ات۔صدرمملکت ءَ گوشت کہ بیئپاروتی بیئپاراں رجسٹر بکن انت ءُُ ٹیکس نیٹ ءِ تہ ھوار بنت پرچہ کہ اے ہک راجی فرضے انت۔آہاں گوشت کہ ایف بی آر ءِ تہ ریفارمرز کنگ بوھگ انت،حکومت ھرچانیءُُ درآمدات ءِ تہ کمیءُُ برآمدات ءِ تہ ودکی چہ معیشت ءَ را بحال کنگ ءِ کوشست کنگ انت۔صدر مملکت ءَ گوشت کہ پاکستان ءَ لازوال قربانیانی پدا ناشرکاری ءِ سرا مزنیں کچ ءَ کمی آرتگ ءُُ امن ءُُ ایمنی بحال بوھگ چہ پدا ڈن ملکاں چہ زرکاری گیش بوتگ۔آہاں گوشت کہ ملکی دیمروئی ءِ ھاترا چاگرد ءِ دراھیں تبکاں را وتی کرد ادا کنگ بیت۔صدرمملکت ءَ زور مان کتگ کہ ملک ءِ تہ آُ پ ءِ ھوار ایٹمی ءُُ شمسی توانائی ءِ ھوار گواتءَ چہ ارزاں توان ودی بوت کنت،حکومت گوات ءُُ شمسی توانائی ءَ چہ توان ودی کنوکیں ملکی ءُُ درملکی کمپنیانی دلبڈی کنگ انت۔مراگش ءِ تہ جی سولر کمپنی ءِ چیئرمین مشتاق چابڑا، وٹول کمپنی ءِ ایم ڈی فرید مسعود، بی الیکٹرک ءِ ایم ڈی مارٹن موک ءُُ بورڈ آف انویسٹمنٹ ءِ چیئرمین زبیر جیلانی ءَ ھم تران کتگ۔مراگش ءِ تہ بزنس کمیونٹی ءَ گوں سیادی داروکیں مردمانی مزنیں کچ ءَ بھرزوری کتگ۔
